Efik Hymns Lyrics

Hymn 26 Afo ‘modot itoro Lyrics

26.

1. Afo ‘modot itoro,
Abasi Ibom k’enyoŋ;
Afo emi edide
Nsinsi oboŋ.
Afo ke editoŋo
Anam enyoŋ y’isoŋ
Ayarare idem fo
K’odudu ye k’uboŋ.

2. Afo otim onim ŋkpo,
Anam ofim, onyuŋ
Ono edim itie
K’ata ikpa-enyoŋ
Inyaŋ ibom, y’ edisat
Isoŋ, edi utom
Ubok fo akanamde
Akwa Abasi Ibom.

3. Mfri eto etibe,
Ye ediwak mbiet,
Mmo edioŋ ererimbot
Eye eti-eti.
Anam ikpo mm’uŋwama,
Onim mmo ke enyoŋ,
Anam utin ye ofioŋ
Ye mm’ ntantafioŋ.

4. Afo Jehovah anam
Iyak ewak ke mmoŋ
Anam unen, ye mm’inuen
Efede ke enyoŋ.
Onyuŋ obot ufene
K’ oruk mmo ekese,
Ye kpukpru mm’ unam ikot
Ye se onyonide.