Sibhat LeAmlak The Ethiopian Evangelical Church Mekane Yesus vertion 1982

መዝሙር 77 ከኃጢአት እንድንድን የዘፈን ግጥሞች

፩፡ ከኃጢአት እንድንድን
ልጅህን የላክህልን፥
በፍቅርህም የጠራኸን
ኦ ርኅሩኅ አባታችን፥
ሕይወት የሚሰጥ ቃልህን
ወደኛ ስደድልን።
የጨለመ ልባችንን፥
በመንፈስህ አብራልን፥
በፍቅርህም ራራልን።
፪፡ አንተን መስማት እንድንችል፥
የእምነትን ጆሮ ስጠን።
በሰይጣን እንዳንደለል፥
መንፈስህን ላክልን።
በሃይማኖት እንድንጸና፥
አትለየን በጸጋህ።
ድፍረትንም ስጠን ለኛ፥
ጠብቀን በምሕረትህ፥
እንዳንወጣ ከፍቅርህ።
፫፡ ዕዳችንን በላይህ ላይ
ተሸክመህ ኦ መድኀን፤
ጉስቍልናችንን ስታይ
በፍቅር ራራልን።
ኦ የሱስ ወንድማችን ነህ፤
ተስፋህን ፈጽምልን።
ጰራቅሊጦስን ሰጥተህ፥
እውነቱን ግለጥልን፤
ቸር ጠባቂ ሁንልን።
፬፡ መንፈስ ቅዱስ ሆይ፥ ና እርዳን፤
የሰይጣንን ኃይል ደምስስ።
የጌታን ቃል አሳስበን፤
ነፍሳችንንም ቀድስ።
የሕይወትን ቃል መግበን።
በየሱስ እንድናምን
ሥላሴንም ለማመስገን
የእምነት ብርታት ስጠን
በኃይልህ እርዳን አሜን።