Sibhat LeAmlak The Ethiopian Evangelical Church Mekane Yesus vertion 1982

መዝሙር 72 ክርስቶስ ተነሣ ሰይጣንም ድል ሆነ የዘፈን ግጥሞች

፩፡ ክርስቶስ ተነሣ ሰይጣንም ድል ሆነ፤
ታረቀን ጌታችን ምሕረቱን ላክልን።
እንግዲህ አይጠፋም በየሱስ ያመነ፤
ጨለማን አጥፍቶ ብርሃኑን አሳየን
እሰይ የምሥራች፥
እጅግ ደስ ይበለን፥
በየሱስ ትንሣኤ መዳን ተገኝልን።
፪፡ ባርነት ቀረልን ነፃነት አገኘን፤
ከመርገም ኩነኔ ኢየሱስ አወጣን።
ተስፋችን ምን ኖርዋል ኢየሱስ ባይመጣ?
ሞት ነበር ገዣችን ኃይለኛ ባላንጣ።
እስይ . . .።
፫፡ የታለ ሥልጣኑ? ዲያቢሎስ ተወጋ፤
ጌታችን አወጣን ከጠላት መንጋጋ።
ዲያቢሎስ አፈረ፤ ያ ጠላት ተረታ፤
ኢየሱስ ይመስገን የሆነን አለኝታ።
እሰይ . . .።