Sibhat LeAmlak The Ethiopian Evangelical Church Mekane Yesus vertion 1982

መዝሙር 146 ክርስቶስ በመስቀሉ ላይ ሲሞትልን የዘፈን ግጥሞች

፩፡ ክርስቶስ በመስቀሉ ላይ ሲሞትልን
ኃጢአታችንን አርቆታል።
ባዳም አለመታዘዝ የመጣብን
ሁሉ በእርሱ ተወግዶአል።
ምንም ኃጢአት
ሳይኖበት
ቅዱሱ የሞት ሥቃይ ቀምሶአል።
፪፡ ኃጢአታችን እንደ ቅርምዝ ቢሆን
እንደ በረዶ ይነጻልናል።
የሱስ በመስቀል ላይ ስለ ሞተልን
ጽድቅና ሕይወት ተገኝቶልናል።
የርሱን ሥቃይ
በእምነት ስናይ
ከመቅሠፍት ከሞትም ያድነናል።
፫፡ የየሱስ ክርስቶስን ደም የሚንቁ
ኵነኔን ሳይፈሩ፥ በዚህ ሕይወት
ጸጋውንና ምሕረቱን የማያውቁ
ማን ያድናቸዋል ከሞት ጥፋት
የናቁትን፥
ቸሩን መድኅን፥
በፍርድ ዕለት ያዩታል በፍርሃት።
፬፡ ኦ ጌታ የሱስ፥ በቅዱ ሕማምህ
ኃጢአተኞችን አድነሃል።
ለኛ እረፍት ልትሰጥ በድካምህ
በደላችንን ተሸክመሃል።
ሁላችንን
ልታድነን
በቅዱስ ደምህም ገዝተኸናል።
፭፡ አንተ በጎልጎታ ላይ የሞትህልን
የማዳንህን ጸጋ ግለጥልን።
ኦ የሱስ ክርስቶስ እንድናምንህ እርዳን፥
እኛም በመስቀልህ ኃይል እንዳን።
መስቀልህም
ለዘላለም
ተስፋና ሕይወት ለእኛ ይስጠን።