Shona Methodist Hymns
Hymn 307 Jesu ini ndasarudza Lyrics
Jesu ini ndasarudza
Somukomana ane shungu
Kushandira Tenzi wangu
Mabasa pazera rangu.
Pakugamuchira kwangu
Rupawo rweboka iri
Ravakomana muSvondo
Ndasarudza gwara renyu.
Ndasarudza ndazvipira
Kushanda nesimba rose
Ndokumbira kurairwa
Kuda kwenyu ndikuite
Hupenyu hwangu She Jesu
Ngahupupure chokwadi
Mururimi namabasa
Rudo rwenyu ndiparidze.
Jekesai kuda kwenyu,
Ndishande mubindu renyu,
Ndimi Jesu simba rangu,
M’enzaniso, Musimboti.