Nziyo Dzekereke RCZ hymnal

Hymn 177 Ko ndichatya rufu hwiro? Lyrics

1
Ko ndichatya rufu, hwiro?
Kwete, ndinoziva
Jesu SHE uri mupenyu,
Neni ndichamuka;
Jesu wakakunda rufu,
Wakapedza simba rarwo;
Mubetseri wedu,
Zvose zvake zvedu!

2
Muchengeti, nhamo dzangu
Makasenga dzose;
SHE mupenyu! mwoyo wangu
Ndinomupa chose;
Ko zvamakatiravira
Kuda mungazotinyima?
Kwete, vakawanda
Vakazondofara.

3
Simbisai kutenda kwangu,
Ndigova nesimba
Kuzofamba rwendo rwangu,
K’rona mugondipa;
Ndichitarira kwomuri
Zvose hazvingandidzosi;
Pano nhamo ’doko
Pamufaro wo’ko.