Nziyo Dzekereke RCZ hymnal

Hymn 176 Tichandoona Jesu uko Lyrics

1
Tichandoona Jesu uko,
Kusine nhamo chose;
Mis’ yose tisarasha mwoyo,
Tichandopiwa zvose;
Muhwiro tichandozorora,
Norufu hatirutyi;
Tinorufunga, tasimbiswa
Nechinjikano yaSHE.

2
Miviri yedu yoparara;
Muhwiro motoenda,
Hatizonetswi nokunyara,
SHE uchazotimutsa.
Kudenga uchazotikwidza,
Tiende kuna Bambo;
Muimba iyo yakanaka
Uchatipa ugaro.

3
Kutenda uku kunofadza,
Kunonyaradza mwoyo;
Titsunge, vedu, tigofamba,
Tisingatyi makomo!
Chengeto yakazara uko,
Rugare nomufaro;
Hatizovi vatorwa apo;
Tichava vana kwavo.