မြန်မာ သတ္တမနေ့ အက်ဗင်းတစ် ဓမ္မသီချင်းများ
ဓမ္မသီချင်း 77 သန့်ရှင်းဝိညာဉ်လမ်းပြရှင်ကျူး
1
သန့်ရှင်းဝိညာဉ်လမ်းပြရှင်၊ တပည့်တော်နားနေအစဉ်၊
ကောင်းကင်ခရီးလျှောက်သွားစဉ်၊ ဖြည်းညင်းစွာလမ်းပြသခင်၊
မောပန်းဝိညာဉ်ဝမ်းမြောက်ချေ၊ ချိုသာသံတော်နားထောင်လေ၊
ခရီးသည်နောက်သို့လိုက်လာ၊ ပို့ဆောင်မည်အိမ်တော်သာယာ။
2
မိတ်ဆွေစစ်ဝိညာဉ်တော်ရှင်၊ မစရန်ရှိနေအသင့်၊
ကျွန်ုပ်တို့ကိုမှောင်မိုက်တွင်၊
စိုးရိမ်ရာမစွန့်ပါနှင့်၊ ပြင်းထန်စွာမုန်တိုင်းကျလာ၊
စိတ်ငယ်မျှော်လင့်မဲ့သောခါ၊ နောက်တော်လိုက်ရန်ခေါ်မူပါ၊
ပို့ဆောင်မည်အိမ်တော်သာယာ။
3
ဆောင်ရွက်ရန်အမှုပြီးလျှင်၊ ခေါ်တော်မူချိန်စောင့်နေစဉ်၊
ဆုတောင်းလျက်မျှော်လင့်တောင့်တ၊
ကောင်းကင်ဘုံဝင်ရန်တသ၊ သေခြင်းမြစ်ကိုကူးသောခါ၊
သွေးတော်မြတ်မှီခိုကိုးစား၊ နောက်တော်လိုက်ရန်ခေါ်မူပါ၊
ပို့ဆောင်မည်အိမ်တော်သာယာ။