မြန်မာ သတ္တမနေ့ အက်ဗင်းတစ် ဓမ္မသီချင်းများ

ဓမ္မသီချင်း 119 အသေခံသောချစ်ခြင်းကျူး

1
ကယ်တင်ပိုင်သောဘုရား၊ မေတ္တာတော်ရှင်၊
စဉ်မြဲထံတော်ပါးမှ၊ ဆုတ်မခွာသင့်၊
ရှေ့တော်၌နှိမ့်ချစွာ၊ စိတ်ထဲ၌သစ္စာထား၊
ကိုယ်တော်အားလှူရန်ယဇ်၊ ယူဆောင်ခဲ့သည်။

2
ကရုဏာပလ္လင်ရှေ့၊ တောင်းပန်ရန်ဝင်၊
ယုံကြည်အားနည်းမျှော်ကြည့်၊ ယေရှုသခင်၊
ကပ်တိုင်ကိုထမ်း၍သာ၊ အံ့ဖွယ်မေတ္တာကြော်ငြာ၊
ဆုတောင်းခြင်းချီးမွမ်းခြင်း၊ ယူဆောင်ခဲ့သည်။

3
ကိုယ်တော်နှင့်တူစေရန်၊ တည်ကြည်စိတ်သွင်း၊
တစ်နေ့တစ်နေ့လွန်ပြန်၊ တိုး၍သိမြင်၊
ချစ်မေတ္တာမှုတော်ဆောင်၊ ကြင်နာခြင်းပြခဲ့ကြောင်း၊
ကိုယ်တော်ထံပျောက်သူကို၊ ယူဆောင်ခဲ့သည်။

4
ကျွန်ုပ်ပိုင်ဆိုင်သမျှ၊ ကိုယ်တော်ပိုင်ရာ၊
ဝမ်းနည်းဝမ်းသာသက်တာ၊ ကိုယ်တော်ဖို့သာ၊
မျက်နှာတော်ဖူးမြင်လျှင်၊ ငါ့ဝိညာဉ်ကိုယ်တော်အား၊
မြဲထာဝရပတ်လုံး၊ ဆက်သပါသည်။