မြန်မာဓမ္မသီချင်း
ဓမ္မသီချင်း 334 နေဝင်နောက်ကွယ် ထွန်းတောက်ဝယ် သီချင်းစာသားများ
၁။ နေဝင်ရာ ကမ်းမှာ လင်း အရုဏ်ကူးလာ၊ ရင်မှာ ကြည်နူးစရာ ထူးလှသက်တာ၊ ကိုယ်တော်လက်တွဲကာ၊ ခွဲမရသောဘဝပါ၊ နေဝင်ရာကမ်းမှာ မြတ်လှသက်တာ။
၂။ နေဝင်ရာ ကမ်းမှာ နေ့တာမဆုံးပါ၊ မှောင်ရိပ်ကွယ်သွားကာ၊ နေ့သစ်ရောက်လာ၊ ကမ္ဘာဝယ် လွမ်းစရာ နွမ်းလှသောသက်တာ၊ နေဝင်ရာကမ်းမှာ ဆန်းသစ်ရလာ။
၃။ နေဝင်ရာ ကမ်းမှာ မိတ်ဆွေစုပေါင်းလာ၊ ပြန်လည်ငိုကြွေးစရာ ကင်းမဲ့သာအခါ၊ ထာဝစဉ် ရွှင်လန်းကာ၊ ပြုံးရသော ဘဝပါ၊ နေဝင်ရာ ကမ်းမှာ ကောင်းလှသက်တာ။
၄။ နေဝင်ရာ ကမ်းမှာ ကိုယ်တော်ဘုရားသာ၊ ကြင်နာပိုက်ထွေးကာ၊ ပေးခဲ့မေတ္တာ၊ ရင်မှာပင်ပန်းစရာ ဆုံးတော့မဲ့ဘဝပါ၊ နေဝင်ရာကမ်းမှာ အေးငြိမ်းချမ်းသာ။