မြန်မာခရစ်စမတ် ဓမ္မသီချင်း
ဓမ္မသီချင်း 391 ၃၉၁ ဖြူဝတ်လုံကိုဝတ်ဆင်သူ။ သီချင်းစာသားများ
၁ ဖြူဝတ်လုံကိုဝတ်ဆင်သူ၊
တိုင်းမသိများစွာသောလူ၊
ထာဝရပလ္လင်တော်ရှေ့၊
အောင်ပန်းလက်ကိုကိုင်လျက်နေ။
ကြီးသောသံနှင့်သီချင်းဆို၊
ချီးမွမ်းကုန်လေကျေးဇူးကို၊
ဤလူဘယ်ကလာသနည်း၊
မြင်သောသူသည်မေးလေ၏။
၂ ဤသူတို့သည်အာဒံသား၊
အောက်မှာလူ့ပြည်နေတုန်းခါ၊
ဆင်းရဲဒုက္ခခံကြ၏။
ခုမှထွက်မြောက်လေခဲ့ပြီ၊
လူအပြစ်အညစ်ဆေးကြော၊
သိုးငယ်သွေး၌ဝတ်လုံလျှော်၊
ဖြူစင်လျက်နှင့်စွန်းမရှိ၊
သန့်ရှင်းသောသူဖြစ်သတည်း။
၃ ထိုကြောင့်သူတို့၊ ဗိမာန်တွင်
နေရာရ၊ ဘုရားသခင်
ဝတ်ကိုပြု၊ ပလ္လင်တော်ရှေ့၊
နေ့ညအိပ်မပျော်လျက်နေ။
နောက်တဖန်အစဉ်မပြတ်။
စားအသောက်မမွတ်အအိုက်၊
ဘယ်ခါမျှမထိမခိုက်။
၄ သူတို့ကို၊ ပလ္လင်တော်ဝယ်
ရှိတော်မူအရှင်သိုးငယ်၊
သက်စမ်းရေပေါက်၊ ရေယာဉ်နီး၊
ဆောင်သွားလျက်လုပ်ကျွေးလိမ့်မည်။
သူတို့နှင့်ဘုရားသခင်
တူတကွနေမည်အစဉ်၊
ကိုယ်တော်တိုင်သူတို့မျက်ရည်
သုတ်ခမ်းကုန်စေတော်မူမည်။