မြန်မာခရစ်စမတ် ဓမ္မသီချင်း
ဓမ္မသီချင်း 23 ၂၃ ကိုယ်တော်ကိုချီးမွမ်းကြလော့ကျူး။ သီချင်းစာသားများ
၁ ချီးမွမ်း၊ ချီးမွမ်း၊ ကျွန်ုပ်တို့၏ကယ်တင်ပိုင်ရှင်၊
လူအပေါင်းတို့မေတ္တာတော်ကိုကြွေးကြော်၊
ဘုန်းအာနုဘော်ကိုယ်တော်၌ရှိစေသတည်းဟု၊
ကောင်းကင်တမန်မင်းများတို့၊ ပြောကြလော့။
သိုးထိန်းကဲ့သို့ယေရှုသည်သူငယ်များကို၊
တနေ့လုံးလက်တော်နှင့်ပွေ့လျက်ဆောင်၏၊
ချီးမွမ်း၊ ချီးမွမ်း၊ ဂုဏ်သရေအကြောင်းကိုပြောပါ၊
ချီးမွမ်း၊ ချီးမွမ်း၊ စဉ်မပြတ်သီချင်းဆို။
၂ ချီးမွမ်း၊ ချီးမွမ်း၊ ကျွန်ုပ်၏ကယ်တင်ပိုင်ရှင်၊
ကိုယ်တော်မြတ်သည်၊ လက်ဝါးကပ်တိုင်ပေါ်မှာ၊
ကျွန်ုပ်တို့အပြစ်များကြောင့်ခံထိုက်သောဒါဏ်ပင်၊
ခံတော်မူပြီ၊ အမှန်ကယ်တော်မူ၏။
ကျွန်ုပ်တို့၏ဝမ်းနည်းခြင်း၊ ဆောင်တော်မူပြီ၊
မေတ္တာတော်ကိုချီးမွမ်း၍မကုန်ပါ၊
ချီးမွမ်း၊ ချီးမွမ်း၊ ဂုဏ်သရေအကြောင်းကိုပြောပါ၊
ချီးမွမ်း၊ ချီးမွမ်း၊ စဉ်မပြတ်သီချင်းဆို။
၃ ချီးမွမ်း၊ ချီးမွမ်း၊ ကျွန်ုပ်တို့၏ကယ်တင်ပိုင်ရှင်၊
ကောင်းကင်ဘုံမှာ၊ နာမတော်ချီးမွမ်းကြ၊
သခင်ယေရှုစဉ်မပြတ်အုပ်စိုးတော်မူမည်၊
သရဖူကိုခေါင်းတော်ပေါ်မှာဆောင်၏။
ကိုယ်တော်ကြွလာ၊ ရန်သူတို့ကိုအောင်ခြင်းငှါ၊
ဘုန်းတန်ခိုး၊ ကိုယ်တော်၌ရှိစေသတည်း။
ချီးမွမ်း၊ ချီးမွမ်း၊ ဂုဏ်သရေအကြောင်းကိုပြောပါ၊
ချီးမွမ်း၊ ချီးမွမ်း၊ စဉ်မပြတ်သီချင်းဆို။