Luo SDA Hymns Luo Wende Nya Saye Hymn 66 ASEYUDO OSIEP MABER

Hymn 66 ASEYUDO OSIEP MABER

1
Aseyudo Osiep maber, Chon nohera kakia,
Noywaya gi tond Herane, Emomiyo ahere.
Koro oketo e chunya Herane ndalo duto;
An ng`ate, to En Osiepa, Ndalo duto mochwere.

2
Aseyudo Osiep maber; Notho e msalaba
Ni mond` ayud ngima kuome, Ringre Owuon nomiya.
Gik moko duto ma an go, Ok maga to mag Yesu;
Chunya, ringra, giga duto Ni mag Yesu mochwere.

3
Aseyudo Osiep maber; Nomiye teko duto;
Mondo orita kawuotho Nyaka adonj e polo.
To ka madhiye agombo par Nyasaye ndalo duto;
Koro atiyo kageno Dak kod Yesu mochwere.

4
Aseyudo Osiep maber, Maber, mang`won, madieri;
Otelona gi wach maber, En Jakony maratego.
Onge gi manyalo poga Kod En mohera chutho;
Weche mag piny ok nyala ngang`, An ng`ate chuth mochwere.