Efik Hymns Lyrics

Hymn 31 Ke ata inemesit Lyrics

31

1. Ke ata inemesit
Mbon eset ekekut
Ntantafioŋ oro
Ayamade ke enyoŋ;
Ntre, oboŋ, teme nnyin
Usuŋ, ikut fi mfin.

2. Ye akamba idara,
Mmo ekefehe eka;
Ndituak ibuot mmo nno
Andinyaŋa ekondo.
Ntre, yak ikpep emi,
Ndituak ibuot nno fi.

3. Nte mmo enode fi
Inyene nsinsi;
Ntre, yak nnyin mi k’ima
Y’edsan’esit, ida
Akpatre nti eno
Isok fi, o andino

4. Kpep nnyin ndisaŋa ke
Usuŋ ek’afahade;
K’ini inyene isoŋ
Edibede nnyin ikpoŋ,
Da ukpoŋ nnyin, O Oboŋ,
Men sin k’obio fo k’enyoŋ.

5. Uŋwan’utin iduhe
K’oto ete odude.
Christ edi unwana do,
Ye utin, ye uwemeyo.
Do, Oboŋ, kpep nnyin ikwo
Nsinsi itoro fo.