Efik Hymns Lyrics

Hymn 193 enyiŋ Jesus enem eti Lyrics

 

193

1. Enyiŋ Jesus enem eti,
K’utoŋ owo oro
Onimde ke akpaniko
Ke ererimbot mi.

2. Aman esit osuho, ke
Ini afanikoŋ;
Anam udoŋo okure,
Ebin ndik onyoŋ.

3. Esit emi obuŋode,
Anam osoŋ eti;
Onyuŋ onim mo ke enyoŋ
Emi eferede.

4. Esit emi ofuhode,
Enyiŋ Christ ododoŋ;
Onyuŋ osuk mme mmo oro
Eyatde mmo k’ukpoŋ.

5. Eti Enyiŋ! Odudu mi!
Am’ ‘mbuot idem k’ esit.
Ekpeme mi k’ ofuri uwem
Ke kpukpru ebiet.

6. ŋkpo eke ami ‘yoyom
K’ enyin oro mmbo;
Abasi ko k’ enyoŋ okop
K’ mfon, onyuŋ ono.

7. Jesus, Oruk mi ye Ufan,
Prophet, Oku, Oboŋ,
Emi onimde mi k’ uwem
Ekpemede k’ isoŋ

8. Ke ofuri esit mi, nnyom
Enyin Fo ndikwo;
Nnyom uboŋ Fo ndiwut
Owo akpaimo.

9. Idomo esit mi, Oboŋ,
Emem eti-eti;
Ifiopesit mi mi onyuŋ
Ebit; idotke Fi.

10. Edi ke ndikutde Fi,
Ke heaven, ko k’enyoŋ
Nyekwo itoro Fo eti,
Nnyuŋ nno ata uboŋ.