መዝሙር 419 ጨለማው ሌሊት አለፈልን የዘፈን ግጥሞች

Sibhat LeAmlak The Ethiopian Evangelical Church Mekane Yesus. vertsion 2009

፩፡ ጨለማው ሌሊት አለፈልን
የንጋትም ኮከብ ወጣልን።
የብፅዕና ቀን ደረሰልን፥
በአምላካችንም ምሕረት።
ክርስቶስ ይመጣል
ክርስቶስ ይመጣል፥
ሥቃይና ጭንቀት
ሁሉ ያልፋል።
ደስታም ዕልልታም
ክብርም ይሆናል፥
ደስታችን ለዘላለም ነው።
፪፡ ከመከራና ከጭንቀት ሁሉ
ከችግርና ከፈተና።
ከዚህም ሁሉ እንድናለን፥
የድል መዝሙር እንዘምራለን።
ክርስቶስ ይመጣል . . .።
፫፡ ቸሩ የዋህ ጌታ አነቃቃን
እንድንከተልህ ሁልጊዜ።
ሰማይና ምድር ሁሉ ሲያልፍ፥
የሰጠኸን ተስፋ ይጸናል።
ክርስቶስ ይመጣል . . .።