Sibhat LeAmlak The Ethiopian Evangelical Church Mekane Yesus vertion 1982

መዝሙር 214 ቀኑ መሽቶአል ጌታ ሆይ የዘፈን ግጥሞች

፩፡ ቀኑ መሽቶአል ጌታ ሆይ
አትሂድ ከኛ ዘንድ ቆይ።
የቃልህን ቅዱስ ብርሃን
ግለጠው ለምእመናን።
፪፡ የሚያሳዝን ዘመን ነው
ተማሮችህን አትተው።
እስክንሞት አስተምረን
በየዕለቱ ወንጌልህን።
፫፡ ክፋት በዛ በምድር ላይ
የምእመናንን ጭንቀት እይ።
በትዕግሥት ድል እንድናገኝ።
የመንፈስ ቅዱስ ኃይል ስጠን።
፬፡ ነፍሳችንን ሊያጠፋት
ይጥራል ሰይጣን በትጋት።
አገልጋዮቹም ቃልህን
ይቃወማሉ ሌት ከቀን።
፭፡ በዚህ ጊዜ አትለየን
ኃይልና ብርታትን ስጠን።
እኛን እንደምትረዳን
በድንቅ ሥራህ ግለጥልን።
፮፡ የሱስ ሆይ መድኃኒታችን
ስማን እኛን ልጆችህን።
ዕለት ዕለትም ጠብቀን
ቅዱስ ቃልህን መግበን።
፯፡ በችግርም በመከራም
ስጠን በልባችን ሰላም።
በብርቱ ሥቃያችንም
አምባችን ሁን ረጃችንም።
፰፡ ከዓለም ጨለማ አውጣን
በሞት ጊዜ ደግሞ እርዳን።
ወደ ሰማይ ቤትህ አግባን
በእቅፍህም አሳርፈን።