Tamil Evangelical Lutheran Church hymnal

பாடல் 169 பாடல் வரிகள்

காணிக்கை தருவாயே நீ – கர்த்தருக்குனது
காணிக்கை தருவாயே!

காணிக்கை தா உனக்காய்ப் பாணி குருதி சிந்தி
மாண ரட்சிப்பினை நீ காணும்படி செய்ததால் -காணிக்கை

1. தேவ வசனம் பரப்ப, – அதனுக்கென்று
செல்லும் செலவை நிரப்ப
ஆவலாய் இயேசுவுக்கே ஆராதனை நடத்தும்
தேவ ஊழியத்துக்கும் திறந்த மனத்துடனே -காணிக்கை

2. பயிர்பலன் மூலமாகவும், இன்னும் பலர்க்குப்
பணம் முதலானதாகவும்,
உயிர்ப் பிராணியாகவும் உதவும் கடவுளுக்கே
உயிரைப் படைப்பாயோ, உடைமையைக் கொடாவிடில்? -காணிக்கை

3. உன்றன் உடல் உன்சொந்தமோ? – அதைவிடினும்
உன்றன்மனம் ஆவி சொந்தமோ?
அன்னவன் உடையதென்றறிந்து உணர்வாயானால்,
உன்னையும் உன்னுடைய உடைமையுமல்லோ ஈவாய்! -காணிக்கை