Shona Anglican Hymn  231  Ngatiimbe ngekufara

 

1. NGATIIMBE ngekufara

Nyaya yeJerusarema;

Musha tinochiva kwazvo
Apo tiri mudambudzo.

Musha wokunaka kwese

Vanoyera varimo.

2. Rusvingo rwouyo musha

Rwakavakwa ngematombo

Ayo gumi namairi,

Ndivo avo Vapostori.

Mazambara ane ndoro

Haapfigwi narini.

3. Twana twese tunotamba

Mumagwanza endarama,

Rwizi rwoupenyu hwedi

Runofamba ruri umo,

Kune miti youpenyu

Inofadzisa vanhu.

4. Nyenye yakabairwesu

Inogara ichitonga

Musha unovenekerwa

Nge Maronda anembiri.

Zuva haripisi vanhu

Usiku hahusvipi.

5. Umo vari Vadzibaba,

Vaprofiti naVamambo.

Abrahama, naIsaka,

Jakabo, naSamueri,

Mozisi, naye Erija,

Isaya, naDavidi

6. Ona! Vapositori vese,

Vamatari, vadzidzisi,

Vabishopi, nadzo Mboo

Vakabva mudambudziko.

Franzisi naye Agasten,

Siprian, naGonsaro.

7. Vadzimai neMhandara

Vanogara naMaria;

Magdarene, Pepechuwa,

Monika, naFerisiti,

Vachifara nokuimba

“Mwoyo wangu” naMai.

8. Hama dzedu tingasvike

Sei kuvaona ivo?

Ngatidane savatsvene,

Nokuit’umboo hwedi,

Tichiramba zvakashata

Tichigara ngerudo.

9 Ngatikumbirewo kwazvo

Minamato yaVatsvene,

Kuti tibatsirwe zvino

Napanguva yokuguma;

Ndizvo tinoimba tese

Mbiri kuno Utatu. Amen.

§