Shona Methodist Hymns

Hymn 21 Isu vanhu vapanyika Lyrics

Isu vanhu vapanyika
Ngatigare tichikudza;
Mwari wakatuma Jesu
Kuratidza rudo rwake.

**CHORUS**
Rumbidzai vanhu mose,
Rumbidzai imi mose.

Wakaona tichitadza,
Wakationa murufu,
Wakatipa Muponisi,
Hezvi nhasi hohwu’penyu!

Takanga takarasika
Tigere muzvakaipa,
Tisingazive M’ponisi,
Asi nhasi tamuwana.

Izwi rake rakasvika
Kunesu takamanikwa;
Takabiswa pane rima,
Tikaiswa pachiedza.

Rumbidzai vanhu mose!
Taponiswa nhasi naye;
Uyai marudzi ose
Muzowana ruponiso.