မြန်မာခရစ်စမတ် ဓမ္မသီချင်း
ဓမ္မသီချင်း 132 ၁၃၂ မေတ္တာတော်ကျူး။ သီချင်းစာသားများ
၁ ဩ၊ ဒဏ်ရာပါဦးခေါင်းတော်၊
ဝမ်းနည်းလျက်ညွှတ်တော်မူ။
ကဲ့ရဲ့စေရန်ပတ်စည်းသော ဆူးဦးရစ်သရဖူ။
ဩ၊ ဦးခေါင်းတော်၊ အထက်က၊
ဘုန်းတော်အလွန်ကြီးသည်။
သွေးဖြင့်လူး၊ ရှုတ်ချခံငြား၊ ကျွန်ုပ်သခင်ခေါ်မည်။
၂ ကိုယ်တော်ရှင်ခံလေသမျှ၊
ပြစ်ရှိသူတို့သာလျှင်၊
အပြစ်အကျွန်ုပ်ဆိုင်ရာ၊ ကိုယ်တော်မှာသေရခြင်း။
ကယ်တင်ရှင်၊ ကျွန်ုပ်ဦးချ၊
ကျွန်ုပ်သာခံထိုက်စွာ၊
မေတ္တာတော်သက်ရောက်စေပါ၊ ကျေးဇူးတော်ပေးသနား။
၃ ဝမ်းမြောက်ခြင်းအားလုံးတို့တွင်၊
အမြတ်ဆုံးကိုဆိုမည်။
ချိုးဖဲ့သောကိုယ်တော်၌ပင်၊ လုံစွာကျွန်ုပ်ခိုမှီ။
ကျွန်ုပ်သည်ကားအသက်ရှင်၊
ဘုန်းတော်ကိုရှုအံ့ငှါ၊
လက်ဝါးကပ်တိုင်တော်ပါးတွင်၊ အသက်ကိုထွက်စေပါ။
၄ ကိုယ်တော်ခံရသောဒုက္ခ၊
ကရုဏာတုမရှိ။
အဘယ်သို့ကျေးဇူးတော်များ၊ ဆပ်ပေးနိုင်ပါမည်နည်း။
ကိုယ်တော်၏ကျွန်ဖြစ်စေပါ။
အားနည်းသောခါ၌လည်း၊
ကျွန်ုပ်၏ချစ်ခြင်းမေတ္တာ တည်စေပါ၊ အစဉ်မြဲ။
၅ စုတေ့ရသောအချိန်တွင်၊
ကားတိုင်တော်ပြမူပါ။
သေဘေးဝေဒနာခံခြင်း ငြိမ်းစေမူပါ၊ ဘုရား။
စက္ခုဒွါရပြောင်းလဲခါ။
ယေရှုထံမှာမြဲတည်။
ယုံကြည်လျက်သေသောသူမှာ၊ မေတ္တာတော်၌ခိုလှုံ၏။