မြန်မာ သတ္တမနေ့ အက်ဗင်းတစ် ဓမ္မသီချင်းများ

ဓမ္မသီချင်း 177 တောင်များတစ်ဖက်မှာကျူး

1
တောင်များတစ်ဖက်မှာကတိတော်ပြည်ရှိ၏၊
ကိုယ်တော်လက်ဖြင့်တည်ဆောက်သောပြည်ရှိပေ၏၊
မောပန်းခြေလှမ်းတောင်ထိပ်ပေါ်သို့ရောက်သောခါ၊
ထာဝရငြိမ်းချမ်းရာအိမ်တော်မြင်မည်သာ။

2
အိမ်တော်ရောက်လုပြီ၊ အိမ်တော်ရောက်လုပြီ၊
ဝေးသောအိမ်မှတောက်ပသောရောင်ခြည်မြင်ပေ၊
ပွင့်နေသောတံခါးမှထွက်ဘုန်းတော်ကြည့်လေ၊
ထိုမှဝင်သော်လေလွင့်ကင်းစင်နောင်မမြင်၊
အိမ်ရောက်လုပြီ၊ တမန်များတေးသံနားဆင်၊
အိမ်တော်ရောက်လုပြီ။

3
ရွှေစင်ခင်းထားလမ်းများရှိသည့်ရွှေမြို့ကို၊
ပုရောဖက်များကြိုတင်ဟောကြားခဲ့သတည်း၊
ရူပါရုံတွင်ထိုမြို့တော်မြင်ခဲ့သည်ကို၊
ဖိုးတန်ကျောက်ဖြင့်ပြီးသောလှပမြို့တော်တည်း။

4
ရွေးချယ်လူနည်းစုတွေထိုမြို့ဝင်စားပေ၊
ယေရှုယုံကြည်၍ပညတ်တော်စောင့်သူတွေ၊
ထိုမှာငါတို့စဉ်မပြတ်သီချင်းဆိုမည်၊
ဝမ်းမြောက်သီချင်းဆာလံထောမနာပါမည်။

5
ညီအစ်ကိုနှမတို့ထိုရပ်မှာဆုံမည်လား၊
နေရောင်ထွန်းလင်းစိုးရိမ်မှုကင်းရှင်းပေသည်၊
ကိုယ်တော်သတင်းသစ္စာရှိစွာလက်ခံထား၊
ယေရှုကြွလာသောခါသင့်ကိုသိမ်းဆည်းမည်။