မြန်မာခရစ်စမတ် ဓမ္မသီချင်း
ဓမ္မသီချင်း 78 ၇၈ ကောင်းကင်တမန်သီချင်း။ သီချင်းစာသားများ
၁ သိုးထိန်းတို့သည်သိုးကိုစောင့်လျက်၊
မြေပေါ်မှာထိုင်နေခါ၊
ကောင်းကင်တမန်ထင်ရှာဆင်းသက်၊
တန်ခိုးဖြင့်ထွန်းတောက်ကြ။
၂ မကြောက်ကြလင့်၊ မြေကြီးသားများ၊
ဝမ်းမြောက်ဘွယ်ရာသိတင်း၊
သင်တို့ရှိရာဆောင်ခဲ့ရောက်လာ။
ရွှင်မြူး၊ ဂုဏ်တော်ချီးမြှင့်။
၃ ဒါဝိဒ်မြို့တွင်ယနေ့၌လျှင်၊
ဒါဝိဒ်အမျိုးအနွယ်၊
ကယ်တင်အရှင်၊ ခရစ်တော်ပင်၊
ဘွားမြင်ပြီ၊ မြတ်သူငယ်။
၄ အဝတ်နှင့်ပတ်ရစ်လျက်သိပ်၍၊
စားကျက်တွင်လျောင်းစက်ခေါ်၊
သင်တို့ယခုသွား၍ရှာဖွေ၊
ဖူးတွေ့မည်၊ သူငယ်တော်။
၅ ကောင်းကင်တမန်ဤသို့ဆိုခါ၊
ထင်ရှာရောင်ဝါဗိုလ်ခြေ၊
မြတ်ဘုန်းတော်ထောမနာပြုကြ၊
ဘုရားရှင်ချီးပင့်လေ။
၆ ထက်နေဘုရားဘုန်းကြီးစေသော၊
မြေပေါ်၌ငြိမ်သက်မြဲ။
ကိုယ်တော်သနားခြင်းမေတ္တာတော်၊
လူများပေါ်ရောက်မစွဲ။