မြန်မာခရစ်စမတ် ဓမ္မသီချင်း
ဓမ္မသီချင်း 109 ၁၀၉ ယေရှုကိုချီးမြှောက်ကျူး။ သီချင်းစာသားများ
၁ ယေရှု၊ အိုမင်္ဂလာနာမ၊
ကောင်းကင်၊ မြေပေါ်၊ မြေအောက်၊
ဝေနေသတ္တဝါရှိသမျှ။
ထိုနာမအားဒူးထောက်။
၂ ဘုရားသဏ္ဍာန်တော်နှင့်ပြည့်စုံ၊
ဘုရားတုဘက်ဖြစ်ရာ၊
မြတ်ဘုန်းတော်ကိုစွန့်ပယ်လွှမ်းခြုံ၊
ကျွန်သဏ္ဍာန်ကိုယူလာ။
၃ လူ၏အဖြစ်ယူပြီးဖြစ်သော်၊
လူတို့အတွက်အတာ၊
ယုတ်ညံ့လက်ဝါးကပ်တိုင်အပေါ်၊
အသက်တော်စွန့်တကား။
၄ ထိုကြောင့်၊ ခမည်းတော်ကားနူးညွှတ်၊
ထိုမျှနှိမ့်ချလူအား၊
နာမတကာတို့ထက်ဘွဲ့မြတ်
ပေးတင်အထွဋ်မြှောက်ထား။
၅ ယေရှု၊ ယေရှု၊ အိုမြတ်နာမ၊
ကောင်းကင်၊ မြေပေါ်၊ မြေအောက်
ဝေနေသတ္တဝါရှိသမျှ၊
ထိုနာမအားဒူးထောက်။