မြန်မာခရစ်စမတ် ဓမ္မသီချင်း
ဓမ္မသီချင်း ၃၀၇ ကြိုးစားခြင်းအသင်း၏သီချင်း။ သီချင်းစာသားများ
၁ ကြိုးစားအသင်းဝင်သူတို့၊
သင်တို့သစ္စာခံပြီ။
ယေရှုကိုယ်တော်အသွေးဖြင့်
သင်တို့ကိုရွေးနှုတ်သည်။
ဘုရားသခင်၏သားတို့၊
ထကြ၊ မာရ်နတ်လက်မှ
လွတ်၍လောကီစည်းစိမ်ကို
လျစ်လျူလျက်ကြိုးစားကြ။
၂ အသင်းဝင်၊ သောသူတို့သည်
အလင်း၏သားဖြစ်၏။
ဂုဏ်ကျေးဇူးတော်ကိုခံမည်၊
ဂတိထားတော်မူပြီ၊
သစ္စာအမှန်ခံပြီးလျှင်
ခံသည်အတိုင်းပြုကြ။
နောက်ဆုံးနေ့၌ကိုယ်တော်နှင့်
ကောင်းကင်သို့တက်ကြွရာ။
၃ သင့်တွက်သေခြင်းခံယေရှု
အောက်မေ့၍ကြိုးစားပါ။
ကိုယ်တော်၏သစ္စာရှိသူ၊
အမှုတော်ဆောင်ရွက်ကြ၊
မိမိအလိုကိုငြင်းပယ်၊
ယခုကိုယ်ကိုမပိုင်၊
သခင်သည်သင့်ကိုရွေးချယ်
ကိုယ်တော်ရှင်ပိုင်မူ၏။
၄ မာရ်နတ်၏ချည်နှောင်ခြင်းနှင့်
အပြစ်သံကြိုးကိုလည်း၊
ကြိုးစား၍ပယ်ရှာကြစို့၊
ပန်းတုံးတိုင်ရောက်ဘို့ပြေး။
ကိုယ်တော်၏မေတ္တာအောင်လံ
သင်တို့ရှေ့မှသွားသည်။
အောင်ဆုခံသူသည်အောင်ပန်း
သင့်အားပေးတော်မူမည်။