Lisu Christian Hymnal
Hymn 64 ꓢꓷ. ꓠꓲ, ꓬꓲ ꓚꓰꓺ ꓪꓴ‐ꓢ Lyrics
ꓢꓷ. ꓠꓲ, ꓬꓲ ꓪꓴ ꓔꓴˍ ꓟ ꓠꓬ ꓬꓰ‐ꓧꓳ‐ꓧꓪ ꓔꓯ ꓙꓳꓺ ꓒꓵꓽˍ ꓟ ꓥ ꓡꓳ꓿ ꓞꓳ ꓙꓲꓽ ꓐꓴ ꓠꓽ ꓙ ꓗꓴ ꓠꓲ,ˍ ꓐꓰ ꓟ. ꓘꓶꓽ ꓔꓯ ꓟꓳꓻ ꓟꓽ ꓟꓵ꓿
ꓠꓴ ꓠꓬ ꓢꓷ ꓠꓲ, ꓙꓳ ꓠ, ꓟ ꓘꓴ ꓢꓲ꓾ ꓙ ꓜꓲꓼ ꓠꓲ, ꓙꓳ ꓠ, ꓟ ꓧꓪ ꓢꓲ꓾ ꓘꓴˍ ꓐꓭ ꓠꓬ꓾
ꓒꓴ ꓔꓯ ꓧꓪˍ ꓟˍ ꓡꓰ ꓐꓰ ꓙ ꓗꓴ ꓠꓲ, ꓔꓯ ꓧꓪ ꓢꓲ꓾ ꓚꓵ ꓔˍ ꓟ ꓒꓵꓽ ꓶ ꓔꓯ ꓟꓰˍ ꓟˍ ꓡꓰ ꓐꓰ ꓙ ꓗꓴ ꓠꓲ, ꓔꓯ ꓧꓪ ꓠꓬꓲ ꓟꓰ ꓠꓬꓲˍ ꓐꓭ ꓠꓬ꓾
ꓬꓰ‐ꓧꓳ‐ꓧꓪ ꓔꓯ ꓙꓳꓺ ꓒꓵꓽˍ ꓟ ꓔꓯ ꓠꓴ ꓙ ꓜꓲꓼ ꓡꓰ ꓢꓲ꓾ ꓪꓴ‐ꓢ ꓔꓯ ꓢꓷ.ˍ ꓟ ꓠꓲ, ꓟ ꓧꓪ ꓟꓶ ꓡꓰˍ ꓥꓳ꓿
ꓮ ꓡꓲꓳ ꓐꓯˍ ꓠꓬ ꓙ ꓗꓴ ꓠꓲ, ꓠꓽ ꓬꓰ‐ꓧꓳ‐ꓧꓪ ꓖꓶ ꓡˍ ꓟ ꓥ ꓡꓳ꓿ ꓢꓷ. ꓠꓲ,ˍ ꓐꓰ ꓙ ꓜꓲꓼ ꓠꓲ, ꓠꓬ ꓬꓲ ꓟꓷ ꓠꓷ ꓗꓪ ꓐꓰ ꓡˍ ꓡꓳ꓿
ꓕꓽ ꓟꓲ ꓡꓰ꓾ ꓥꓪ ꓟꓷ ꓠꓷ, ꓗꓪ ꓟ ꓐꓯ ꓘꓶ ꓔꓯˍ ꓐꓰ ꓕꓽ ꓧ, ꓙꓰ꓿ ꓙ ꓗꓴ ꓠꓲ, ꓔꓯ ꓘꓳ ꓣꓴ ꓔ꓿ ꓢꓷ ꓠꓲ, ꓔꓯ ꓧꓪ ꓬꓰ꓿
ꓙ ꓗꓴ ꓠꓲ, ꓔꓯ ꓕꓽ ꓡꓳ ꓗꓷ꓾ ꓬꓲ ꓠꓬ ꓠꓴ ꓔꓯ ꓠꓬꓲ ꓙˍ ꓥꓳ꓿ ꓬꓲ ꓔꓯ ꓠꓲ, ꓠꓵˍ ꓠꓬ꓾ ꓬꓲ ꓠꓴ ꓔꓯ ꓔ ꓙˍ ꓥꓳ꓿
ꓓ ꓪꓴ. ꓠꓬ ꓙ ꓗꓴ ꓠꓲ, ꓥ ꓡꓳ꓿ ꓖꓳ ꓡꓱ ꓠꓬꓲ ꓙ ꓗꓴ ꓠꓲ, ꓔꓯ ꓧꓪ ꓬꓰ꓿ ꓠꓴ ꓮ ꓡꓲ ꓥˍ ꓟꓲ꓾ ꓮ ꓡꓲ ꓫꓵꓽ ꓟꓶ ꓡꓰ ꓥ ꓟꓲ ꓢꓷ ꓠꓲ, ꓔꓯ ꓧꓪ꓿
ꓙ ꓗꓴ ꓠꓲ, ꓔꓯ ꓒꓵꓽˍ ꓠꓬ ꓬꓲ ꓠꓴ ꓔꓯ ꓓꓳ ꓟꓴ, ꓥꓳ꓿ ꓠꓴ ꓬꓲ ꓔꓯ ꓢꓳ. ꓔ ꓠꓬ ꓞꓳ ꓒꓵꓽ ꓡˍ ꓟ ꓠꓴ ꓔꓯ ꓖꓶ ꓡˍ ꓥꓳ꓿
ꓬꓲ ꓠꓬ ꓠꓴ ꓪꓴ. ꓓꓵ ꓗꓪ ꓣꓱ ꓛꓰ ꓙꓳˍ ꓟ ꓪꓴ ꓕꓷ ꓕꓷ, ꓖꓶ ꓡˍ ꓥꓳ꓿ ꓬꓲ ꓡꓰ ꓠꓴ ꓔꓯ ꓐꓲˍ ꓟ ꓪꓴ. ꓛꓴꓽ ꓘꓳ, ꓖꓶ ꓡˍ ꓥꓳ꓾ ꓐꓰ꓾ ꓐꓯ ꓗꓷꓳ꓿