Lisu Christian Hymnal
Hymn 58 ꓤ ꓠꓱ ꓤ ꓟꓸ ꓟꓲ Lyrics
ꓖꓳ ꓕꓲ ꓝꓲꓸ ꓗꓪ ꓛꓳ ꓒꓯ, ꓐꓴ ꓠꓬ ꓬꓰ-ꓢꓴ ꓔꓯ ꓡ ꓢꓲ꓾ ꓟꓴ ꓗꓪ ꓗꓴꓷ ꓠꓯꓸꓼ ꓗꓪ꓾ ꓪ ꓜꓲ ꓪꓴꓽˍ ꓟ ꓮ ꓟ ꓥ ꓡꓳꓺꓽ꓾ ꓐꓯˍ ꓡꓳ꓿
ꓬꓰ-ꓢꓴ ꓠꓬ ꓤ ꓠꓱ ꓤ ꓕꓲ ꓣꓳ ꓘꓴꓻ ꓔꓯ, ꓡ ꓢꓲ꓾ ꓬꓲ ꓪ ꓗꓳ ꓡꓳ ꓗꓪ ꓦꓰꓼ ꓞ ꓝꓲ ꓢꓲ ꓠꓬꓲ꓾ ꓕꓱ ꓡꓱ ꓐꓯˍ ꓡꓳ꓾
ꓥꓪ ꓠꓴ ꓪ ꓔꓯ ꓔꓱ ꓔꓱˍ ꓐꓰ ꓐꓯ ꓖꓶˍ ꓠꓬꓲ꓾ ꓠꓴ ꓪ ꓒꓳ, ꓬꓲꓼ ꓡ ꓢꓲ ꓤ ꓠꓱ ꓤ ꓡꓰ ꓐꓰ ꓟꓽ ꓒꓬꓱꓼ ꓡ ꓠꓬ ꓮ ꓡꓲ ꓥˍ ꓟꓲ ꓟꓴ ꓗꓪ ꓗꓴꓷ ꓗꓪ ꓠꓴ ꓪ ꓓꓵ ꓡꓰ ꓟꓽ ꓓ꓿
ꓖꓳ ꓡꓱ ꓠꓬꓲ ꓮ ꓟ ꓥ ꓟꓲ꓾ ꓤ ꓠꓱ ꓤ ꓕꓱ ꓟˍ ꓡꓰˍ ꓐꓰ꓾ ꓚꓲ ꓛꓬ ꓙ ꓣꓳˍ ꓠꓬ꓾ ꓬꓲ ꓠꓽ ꓟꓴ ꓗꓪ ꓗꓴꓷꓼ ꓠꓯꓸꓼ ꓗꓪ ꓪ ꓜꓲ ꓪꓴˍ ꓟ ꓥ ꓡꓳ꓿
ꓮ ꓟˍ ꓟꓲ ꓥꓪ ꓟꓬꓱꓺ ꓗꓪ ꓐꓰ ꓕꓱ ꓡꓱ ꓫꓵꓽ ꓤ ꓠꓱ ꓤ ꓕꓲ ꓣꓳ ꓔꓯ ꓘꓳ ꓣꓴˍ ꓠꓬ ꓥꓪ ꓔꓯ ꓘꓳ ꓣꓴˍ ꓡꓳ꓿
ꓮ ꓟˍ ꓟꓲ ꓥꓪ ꓔꓯ ꓙꓵꓻ ꓟ ꓤ ꓠꓱ ꓤ ꓕꓱ ꓟꓬ ꓗꓪ ꓟ ꓕꓲ ꓣꓳ ꓔꓯ ꓡꓱ. ꓗꓷ ꓝꓲˍ ꓠꓬ ꓬꓲ ꓗꓶ. ꓝꓲ. ꓗꓪ ꓡꓳꓺ ꓙꓱꓺ ꓓꓽ ꓟ ꓞꓳ, ꓔ ꓢꓲ꓾ ꓮ ꓘꓶꓸ ꓠꓯꓸˍ ꓟ ꓬꓲꓻ ꓡꓴ ꓐꓱ ꓗꓪ ꓦꓱ ꓓꓵ ꓡꓰ ꓝꓲ ꓟ ꓠꓬ ꓬꓲꓻ ꓐꓱ ꓟꓬ ꓠꓬꓲ ꓙꓳ ꓡꓳ꓿
ꓤ ꓟꓳ꓾ ꓤ ꓠꓱ ꓤ ꓕꓱ ꓟꓬ ꓟ ꓗꓪ ꓕꓲ ꓣꓳ ꓔꓯ ꓠꓴ ꓪ ꓟꓳ ꓟꓽ ꓟꓵ ꓕꓽ ꓬꓰ꓿ ꓮ ꓡꓲꓳ ꓐꓯ ꓠꓬ ꓥꓪ ꓠꓴ ꓪ ꓔꓯ ꓐꓯ ꓖꓶ ꓠꓬꓲ꓾ ꓬꓲ ꓪ ꓔꓯ ꓔ ꓙ ꓢꓴ ꓟꓴ ꓗꓪ ꓝꓲ ꓓꓴ ꓠꓬ ꓮ ꓕꓯˍ ꓟꓲ ꓟꓴ ꓗꓪ ꓗꓪ ꓔꓬ ꓟ ꓥꓪ ꓐꓹ ꓐ ꓬꓲ ꓒꓬꓱ ꓽ ꓔꓯ ꓟꓳ ꓡꓳ꓿
ꓡ ꓞꓳ ꓮ ꓐꓲ ꓠꓬ ꓒꓲꓼ ꓬꓰˍ ꓟ ꓡ ꓞꓳ ꓔꓯ ꓚꓬꓴˍ ꓐꓰ ꓡˍ ꓟ ꓥ ꓡꓳ꓿
ꓖꓳ ꓟˍ ꓡꓰˍ ꓐꓰ ꓤ ꓠꓱ ꓤ ꓕꓱ ꓟꓬ ꓗꓪ ꓟ ꓕꓲ ꓣꓳ ꓬꓲ ꓢꓯꓼ ꓟꓬ ꓒꓲꓼ ꓬꓰˍ ꓟ ꓠꓬ꓾ ꓟꓴ ꓗꓪ ꓗꓪ ꓔꓬˍ ꓟ ꓠꓬ ꓪ ꓐꓹ ꓐ ꓠꓲ, ꓡꓶꓽ ꓟꓽ ꓥ꓿