Lisu Christian Hymnal
Hymn 1 ꓘꓳ ꓫꓵꓼˍ ꓐꓰ ꓗꓴ ꓙꓲꓽ ꓙꓳ ꓟ Lyrics
ꓥꓪ ꓦꓬꓼ ꓠꓬꓲ ꓠꓬ ꓟꓶ ꓘꓶ ꓝꓲꓸ ꓗꓪ ꓟ ꓶꓻ ꓥꓳˍ ꓡꓰ ꓐꓰ ꓗ ꓡꓳ꓿ ꓖꓳ ꓡꓱ ꓢꓲ ꓥꓪ ꓠꓬ ꓟꓳꓼ ꓤ ꓫꓵꓸ ꓤ ꓡꓰ ꓐꓰ ꓙꓴꓻ ꓡꓰˍ ꓡꓳ꓿
ꓬꓰ-ꓧꓳ-ꓧꓪꓳ꓾ ꓠꓴ ꓠꓬ ꓕꓲ ꓞꓲ ꓕꓲ ꓑ ꓪ ꓔꓲ ꓣꓱˍ ꓥꓳ꓿ ꓠꓴ ꓟꓬꓱ ꓓꓳ ꓠꓬ ꓤꓶ ꓮ ꓙꓵ ꓡꓱꓸꓼ ꓗꓪ ꓛꓲ ꓟꓽ ꓡꓳꓹ ꓬꓰ꓿
ꓮ ꓠꓱ ꓕꓯ ꓠꓴ ꓡꓰ ꓟꓲ ꓠꓯ ꓔꓯ ꓬꓲ ꓚꓰꓺ ꓜꓶˍ ꓡꓳ꓿ ꓟꓴ ꓗꓪˍ ꓟꓲ ꓠꓴ ꓡꓯ ꓒꓯ, ꓡꓰ ꓚꓰꓼ ꓔ ꓟ ꓟꓬꓱꓽ ꓥ ꓡꓳ꓿
ꓟꓴ ꓗꓪ ꓟꓲ ꓠꓯ ꓠꓬ ꓟꓶꓽ ꓬꓰˍ ꓥꓳ꓿ ꓠꓴ ꓠꓽ ꓮ ꓕꓯˍ ꓟꓲ ꓙꓳ ꓔꓬ ꓥꓳ꓿ ꓟꓴ ꓗꓪ ꓟꓲ ꓠꓯ ꓮ ꓙꓵ ꓠꓬ ꓐꓵ ꓞꓶꓽˍ ꓡꓰ ꓐꓰ ꓐꓰꓽ ꓡꓰˍ ꓥꓳ꓿ ꓖꓪ ꓓꓴˍ ꓡꓰ ꓐꓰ ꓟꓴ ꓗꓪ ꓟꓲ ꓠꓯ ꓔꓯ ꓠꓴ ꓡꓶꓸ ꓗꓷ ꓥꓳ꓿ ꓖꓳ ꓡꓱ ꓢꓲ ꓟꓴ ꓗꓪ ꓟꓲ ꓠꓯ ꓠꓬ ꓑꓶꓸ ꓡꓰ ꓥꓳ꓿
ꓠꓴ ꓠꓽ ꓕꓲ ꓡꓰꓹꓼ ꓥꓳ꓿ ꓠꓴ ꓘꓳꓼ ꓥ ꓟꓲ ꓬꓲ ꓑꓶꓸ ꓟꓽ ꓙꓳ꓿
ꓢꓲꓺ ꓒꓽꓳ꓾ ꓕꓲ ꓤꓶˍ ꓡꓰ ꓕꓲ ꓤꓶ ꓮ ꓙꓵ ꓟ ꓗꓪ ꓠꓴ ꓠꓬ ꓥꓪ ꓠꓴ ꓔꓬ ꓖꓴ ꓒꓬꓱꓼ ꓡꓻꓳ꓿
ꓪ ꓚꓲ ꓗꓳ ꓚꓲ ꓟꓽ ꓚꓰꓼ ꓓꓳ ꓡ ꓧꓶꓸ ꓕꓯ ꓟꓲ ꓠꓯ ꓐꓰ ꓟꓵ ꓗꓳ ꓓꓵ ꓓꓵ ꓔꓯ ꓠꓴ ꓟꓽ ꓫꓬ ꓕꓯ ꓡꓰ꓾ ꓕꓲ ꓞꓲ ꓕꓲ ꓑ ꓟ ꓤꓶ ꓗꓪ ꓐꓰ ꓕꓲ ꓞꓲ ꓕꓲ ꓑ ꓟ ꓤꓶ ꓗꓪ ꓛꓲ ꓠꓴ ꓠꓬ ꓪꓴ-ꓢ ꓥ ꓡꓳ꓿
ꓞꓳ ꓤ ꓔꓯ ꓠꓬ ꓠꓴ ꓡꓰ ꓠꓱꓸ ꓦꓱ ꓧꓶꓽ ꓗꓪ ꓡꓰꓼ ꓙꓰ ꓝꓲ ꓢꓲ꓾ ꓞꓳ ꓤ ꓐꓴ ꓠꓴ ꓪꓽꓳ꓾ ꓡꓰꓼ ꓙꓰ ꓨ꓾ ꓐꓰ ꓐꓯˍ ꓡꓳ꓿
ꓮ ꓡꓲꓳ ꓐꓯ ꓠꓬ ꓠꓴ ꓡꓰ ꓚꓬꓹ ꓔ ꓟ ꓔꓯ ꓟꓳꓸ ꓐꓯˍ ꓠꓬ꓾ ꓕꓲ ꓔꓴ ꓘꓳꓼ ꓠꓬ ꓗꓳꓸ ꓙꓰ ꓗꓷ ꓟ ꓮꓽ ꓠꓬꓲ ꓕꓲ ꓠꓬꓲˍ ꓡꓰ ꓐꓰ ꓗꓹ ꓡꓳ꓿ ꓢ ꓘꓪ ꓦꓴ ꓠꓬꓹ ꓝꓲꓸ ꓕꓲ ꓝꓲˍ ꓡꓰ ꓐꓰ ꓗꓹ ꓡꓳ꓿
ꓬꓲ ꓙꓬ ꓐꓴ ꓙꓰˍ ꓟ ꓡꓰ ꓐꓰ ꓠꓴ ꓡꓰ ꓞꓳ ꓤ ꓔꓯ ꓣꓴ ꓔꓯꓹ ꓙꓰˍ ꓡꓳ꓿ ꓬꓲ ꓪ ꓠꓬ ꓕꓲ ꓟꓬꓱꓻ ꓬꓲ ꓟꓶˍ ꓟˍ ꓡꓰ ꓐꓰ ꓗꓹ ꓢꓲ꓾ ꓠꓯꓼ ꓠꓯꓼ ꓕꓯ ꓣꓱ ꓡ ꓟ ꓫꓵꓸˍ ꓡꓰ ꓐꓰ ꓗˍ ꓡꓳ꓿
ꓠꓯꓼ ꓠꓯꓼ ꓕꓯ ꓫꓵꓸ ꓖꓳ ꓟ ꓣꓱ ꓡ ꓢꓲ꓾ ꓬꓲꓸ ꓠꓱꓺ ꓓꓳ ꓡˍ ꓡꓳ꓿ ꓟꓶ ꓘꓶ ꓕꓯ ꓶꓼ ꓗꓷ ꓠꓬ ꓙꓴ ꓡꓰˍ ꓡꓳ꓿
ꓥꓪ ꓠꓴꓽ ꓠꓬ ꓙ ꓗꓴ ꓠꓲꓹ ꓟꓶ ꓢꓲ꓾ ꓥꓪ ꓠꓴꓽ ꓦꓬꓼ ꓠꓬꓲ ꓵꓺ ꓠꓬꓲ ꓗꓴ. ꓠ ꓟ ꓥꓪ ꓠꓴ ꓔꓯ ꓟ. ꓖꓶ ꓡꓯ꓿
ꓡꓰꓼ ꓡꓯ꓾ ꓬꓰ-ꓧꓳ-ꓧꓪꓳ꓾ ꓮ ꓟꓶ ꓛꓲ ꓗꓷ ꓡꓰˍ ꓥꓳ ꓪꓺꓽ꓿ ꓠꓴ ꓚꓳ ꓑ ꓔꓯ ꓫꓱ. ꓤ ꓙ ꓡꓯ꓿
ꓥꓪ ꓠꓴꓽ ꓦꓬ ꓠꓬꓲ ꓮ ꓙꓵ ꓟ ꓗꓪ ꓥꓪ ꓠꓴꓽ ꓗ ꓛꓲ ꓢꓲ ꓠꓲꓹ ꓒꓴ ꓒꓴˍ ꓐꓰ ꓔꓬ ꓪ ꓠ ꓟ ꓠꓯꓼ ꓠꓯꓼ ꓕꓯ ꓠꓴ ꓠꓲꓹ ꓙ ꓟꓬ ꓗꓳ ꓟ ꓗꓪ ꓐꓰ ꓥꓪ ꓠꓴꓽ ꓔꓯ ꓠꓲ ꓘꓪꓽ ꓫꓵ ꓡꓰ ꓝꓲ ꓡꓯ꓿
ꓠꓴ ꓡꓰ ꓥꓪ ꓠꓴ ꓔꓯ ꓫ ꓙꓵ ꓝꓲˍ ꓟ ꓦꓬꓼ ꓠꓬꓲ ꓐꓰ꓾ ꓥꓪ ꓠꓴ ꓥꓶˍ ꓟ ꓔꓳ, ꓜꓳˍ ꓟ ꓔꓯꓸ ꓛꓳꓻ ꓢꓲ꓾ ꓖꓳ ꓟꓬ ꓛꓲ ꓥꓪ ꓠꓴ ꓔꓯ ꓠꓲꓹ ꓒꓴ ꓡꓰ ꓝꓲ ꓡꓯ꓿
ꓠꓴ ꓬꓰ ꓟ ꓟꓬꓱꓽ ꓔꓯ ꓠꓬ ꓠꓴ ꓚꓳ ꓑ ꓐꓴ ꓔꓯ ꓟꓳꓸ ꓖꓶ ꓡꓯ꓿ ꓠꓴ ꓟꓬꓱꓺ ꓓꓳˍ ꓟꓲ ꓬꓲ ꓪ ꓞꓲ ꓤ ꓡꓯꓹ ꓤ ꓐꓴ ꓔꓯ ꓟꓳꓸ ꓖꓶ ꓙ꓿
ꓢꓲ ꓒ ꓥꓪ ꓠꓴ ꓪꓴ-ꓢ ꓬꓲ ꓐꓲˍ ꓟ ꓔꓯ ꓠꓬ ꓥꓪ ꓠꓴ ꓔꓯ ꓙꓳ ꓝꓲ꓿ ꓥꓪ ꓠꓴ ꓡꓯ ꓒꓯ, ꓡꓰ ꓬꓰ ꓔ ꓟ ꓟꓬꓱꓽ ꓔꓯ ꓕꓶ ꓡꓰ ꓝꓲ꓿ ꓥ ꓡꓳ꓾ ꓥꓪ ꓠꓴ ꓡꓯ ꓒꓯ, ꓡꓰ ꓬꓰ ꓔ ꓟ ꓟꓬꓱꓽ ꓔꓯ ꓠꓴ ꓡꓰ ꓕꓶ ꓡꓰ ꓝꓲ ꓡꓯ꓿