Kalenjin Hymns – Tienwogik che Kilosune Jehovah

Hymn 192 Kiiale korotiguk sobondanyu Lyrics

1. Kii-ale korotiguk
sobondanyu, Jesu;
Abaibai kot amu neng’ung’
– ma ko nenyu agoi.
Neng’ung’et muguleldanyu,
neng’ung’ agot agai.
I Laitoriandennyu nguno:
bo-u sobondanyu.

2. Kagoninge, Kiptaiyat;
ibo-u bortanyu;
I-ngoek gong’ung’ ne tilil,
ne nyoljinin, Jesu.
Eunekyuk ak kelyekyuk,
ak kutit agine –
Cheguk tugul; boisie nguno,
koek che konyitin

3. Neng’ung’et gonnyu tugul,
ak tugukyuk tugul.
Boisie ko u ye imache –
kaberuret noto.
Bunun magornatosiekyuk;
cheguk choto tugul.
Kona aek ne kiyani
eng’ che Agoito-i.

4. Cheguk tugukyuk tugul;
a ribindet kityo.
Mami kiy ne ta abo-u,
ago mararua kiy.
Jesu, itoreta koluu
sobondo komugul
Koek baornatet ne kim
eng’ betusiek tugul.