Nyimbo Cia Agendi – Kikuyu SDA Hymns

Hymn 166 Thikiriria Makiina Lyrics

1
Thikĩrĩria, makĩina, Araika igũrũ;
Rũĩmbo rwega rũthaka, rũa gũciaruo kwa Jesũ;
Kenai andũ a thĩ hamwe na araika;
Twanĩrĩre na araika, “Kristo nĩmũciare”
Araika mekũina, “Nĩakumio Mũthamaki”

2
Kristo Mwathani igũrũ, Nĩ wa tene na tene;
Nĩokire agĩciarũo, Nĩ mũirĩtu mũthiingu;
Nĩ Ngai wĩ na mwĩrĩ, Nĩakumio Mũthamaki,
Nĩatũũranirie na andũ, Jesũ We Immanuel!
Araika mekũina, “Nĩakumio Mũthamaki”

3
Nĩagoocwo Mũthamaki, Wa Thaayũ na ũthiingu!
We nĩ ũtheri na muoyo, O na kũhonia andũ;
Akĩima ũnene, okire tuone muoyo,
Akũũrire andũ a thĩ, Nĩguo maciarũo rĩĩngĩ;
Araika mekũina. “Nĩakumio Mũthamaki”.

4
ũka narua Mwathani, Nĩtũgũkwenda mũno;
Ikara na ithuĩ Kristo, ũtũteithie mbaara-inĩ;
Riinga shaitani kĩongo, ũtherie ngoro ciitũ,
Tũhaanane o Nawe, ũrokumio Mwathani”.
Araika mekũina, “Nĩakumio Mũthamaki.