kamba hymns Mbathi sya Kumutaia Nga

Hymn 48 ŨVOO ŨŨ NĨ WA KŨĨKĨĨWA

1
Ũvoo ũũ nĩ wa kũĩkĩĩwa na kũtũtany’a ngoo,
Ĩoo ũmũnthĩ o na tene Yesũ no ũndũ ũmwe;
Nũkwenda kũtũtethya ithyĩ yĩla twĩna thĩna,
Na kũtũtangĩĩa andũ athe nakathwe mũno.

ChorusĨoo ũmũnthĩ tene na tene,
Yesũ no ũndũ ũmwe:
Syĩndũ sya nthĩ nialyũkaa,
Ĩndĩ Yesũ ndaalyũkaa,
Nakathwe mũno, nakathwe mũno,
Syĩndũ sya nthĩ nĩalyũkaa,
Yesũ ndalyũkaa.

2
Ũmũnthĩ Nĩtũkũmatavya ala maĩte,
Moke kwake kũmwĩkaĩla maekewe naĩ;
Mamũvikĩle myũnthĩ yonthe na kũmũtaĩa;
Yesũ Klĩsto nĩ Mũtũtangĩĩi mũseo mũno.

3
Nĩwakinyĩle ũkanganĩ wĩ itulumo,
Nayu nũtonya kũtũvoovya itulumo sya ngoo;
Nũkũtũkiakĩsya na ndeto syake syĩ mũyo,
Ekalaa na andũ make ndakatũtia.

4
Mĩtũkĩ akasyoka na kũtwĩsĩa ĩthyĩ,
Tũkatana mũthenya ũsũ tũkamwona Yesũ;
Tũkatia nthĩ ĩno nthũku tũkekalae nake,
Tũkamũtaĩa Yesũ Klĩsto tene na tene.
(Amen)