kamba hymns Mbathi sya Kumutaia Nga

Hymn 446 WASYA NĨWEEW’ĨKIE

1
Wasya nĩweew’ĩkie mũũndanĩ Eteni,
Yĩla asyai ma mbeenĩ meekĩie mũtwaano,
O ta ũu nĩtũkwĩw’a ĩvinda yĩĩ nayo,
Mĩtwaano yaitũ yĩthwe ya kũmũtaĩa Ngai.

ChorusĨĩ ĩĩ ĩĩ
ĩĩ ĩĩ ĩĩ
ĩĩ ĩĩ ĩĩ
ĩĩ ĩĩ ĩĩ

2
Ngai mwene vinya w’onthe, twĩ maũũnĩ maku,
Mane ũathimo musũu ana aya maku;
Mũũme ũyũ na mũka me mbee waku yu,
Neue makwatanĩthye methwe me ũmwe vyũ.

3
Mendane myũnthĩ yonthe methwe ma kũĩkĩĩwa,
Wĩkalo woo w’onthe wĩthwe wa ũtanu;
Kĩla ũmwe asũvĩe ũla ũngĩ mũno,
Maũndũ moo ma mũsyĩ meke vamwe naku.

4
Nthĩnĩ wa mũtwaano naitũ nĩtũkwona,
ũndũ wa kĩmbithĩ kya Yesũ na ĩkanisa;
Mbee wa kwĩyenda mwene nĩwayendie mbee
Namo mendane o ta ũu onthe matwaanĩte.

5
Aya elĩ Mwĩaĩi maathime mũno,
Mane kwĩthwa na syana methwe na ũtanu;
Mũũme ũyũ na mũka syana syoo nasyo,
Manenge kũthi na mbee kũvika ĩtunĩ.
(Amen)