Littafin Wakoki Hausa Hymns

Hymn 53 Yesu Yana Jin Addu’a Lyrics

1
Yesu Yana jin addu’a,
Yesu Ubangijinmu,
Masu sonsa, masu binsa,
Su ne nasa cetattu.
Yawan sonsu a wurinsa!
Su ne tasa dukiya,
Yana zuba musu ido,
Yana ba su daraja.

2
Yesu yana yin addu’a,
Aikin ceto nasa ne,
Masu roƙo wurin Allah
Sai a cikin sunansa.
Shi jagora ne gare mu,
Ganin Allah sai da shi,
Yesu, shugaban sujadar
Da mutane za su yi.

3
Mu ma sai mu yi addu’a,
Almasihu yana nan.
Kalma tasa ta tabbata,
Shi zai yarda da roƙon.
Ya riga ya yi alheri,
Ya yi mana gafara.
Kyautarsa ta wadace mu
Har iyakar duniya.

4
Yesun nan, mai yin addu’a,
Allah ne ya ɗaukaka.
Kada kowa fa ya raina
Wanda shi ya girmama.
Wata rana in ya komo,
Gani kuwa zai kori ji,
Tuba dai, ka karƃi ceto
Tun da sauran zarafi.