Efik Hymns Lyrics

Hymn 12 Toro edidem, obon nnyin k’enyon Lyrics

12

1. Toro edidem, Oboŋ nnyin k’enyoŋ,
Kwo ima ye odudu esie k’isoŋ.
Otu ekoŋ nnyin y’andinyana owo,
Okpon k’uyai onyuŋ odot itoro.

2. Kwo mfon esie, k’okposoŋ uyo,
Emi akarad’ ofuri ekondo,
Onyuŋ asanade k’ekim ye k’edim,
Aduatde k’obuma, ofiori k’ofim.

3. Isoŋ ye ofuri inyene esie,
Enyene Oboŋ, enye ‘kobot mmo;
Onim ererimbot ke nsinsi itiat,
Anie edikeme enye ndibiat?

4. Anie ekeme ndibuk mfon fo?
Kpukpru nti ŋkpo ewut ima fo?
Obot ye una isoŋ, ofim ye edim,
Inyaŋ ye mbara, unwana y’ekim.

5. Obu ye ntan, kpukpru nnyin idi.
Ibuot idem y’afo ofuri-ofuri,
Mbom fo awak, aka ata anyan,
Andibot, andinyana, y’ata ufan.

6. Nsinsi ima! akwa odudu!
Mme angel k’etoro fi ye uku;
Nnyin mme owo k’isoŋ ye ofuri esit nnyin,
Ibuana ye mmo ke ata akpaniko.