Efik Hymns Lyrics

Hymn 108 Ufok Abasi oson Lyrics

108

1. Ufok Abasi osoŋ
Ada ke Christ Oboŋ;
Jesus okobot enye
Ke mmoŋ y’iyip esie;
Oto k’enyoŋ Abasi
Osuhode edi,
Ada eti iyip esie
Y’uwem edep enye.

2. Oto ke kpukpru obio
Mmo edi k’esit kiet;
Mmo kpukpru edot enyin
Ke Jesus christ oboŋ.
Enyiŋ kiet mmo ededioŋ,
Udia kiet mo edia;
Enyuŋ enwaŋa nte kiet
Ke mfon oboŋ enyoŋ.

3. Mm’idiok owo esuene
Enye, k’iko y’imam;
Koro k’ediwak ŋka,
Enye abahade.
Edi nti owo do,
Idopke dop uyo,
K’ekpe ubok ebaŋa
Enye ndidiana kiet.

4. Mmo edu kaŋa k’ukut
Y’esuene, ye ke but;
Tutu enye edikutde
Emem nsinsi.
Ndien k’akpatre ini
K’idorenyin osu,
Eŋwan ufok Abasi
Odop k’erikakan.

5. K’oro nnyin edibuana
Ye christ k’iduŋ k’enyoŋ;
Ebuan’ ek’edinamde
Ifre afanikoŋ;
Ke ntre yak nnyin isaŋa
Ke mfon oboŋ, k’isoŋ,
Man ikpodun k’ifure
Y’enye, k’akwa uboŋ.