መዝሙር 473 እንዴት ያለ ታላቅ ፍቅር ነው የዘፈን ግጥሞች

Sibhat LeAmlak The Ethiopian Evangelical Church Mekane Yesus. vertsion 2009

፩፡ እንዴት ያለ ታላቅ ፍቅር ነው
እንዴት ያለ ርኅራኄም ነው፤
ጌታ ለኔ ያደረገው፥
እንዴትስ ነው የምመዝነው።
ጌታን ላመስግነው፥
ጌታን ላመስግነው።
፪፡ በኃጢአተኞች ተይዘህ
በሐሰት ምስክሮች ፊት።
በጨካኝ ፍርድ ሸንጎ ቁመህ፥
የኔንም ፍርድ የተቀበልህ።
ምን ይሆን ውለታህ፥
ምን ይሆን ውለታህ።
፫፡ ከሰማይ ዙፋን ወርደህ
የኔን ውርደት ተሸክመህ፤
በመስቀል ሞት ተቸንክረህ።
ነጻ ያወጣኸኝ ጌታ፥
ምን ይሆን ውለታህ፥
ምን ይሆን ውለታህ።
፬፡ እንዴት ያለ ታላቅ ጸጋ ነው
በኃጢአት ለጠፋሁ ባሪያው፤
በመስቀል ሞት ለተሠዋው፥
ዕዳዬንም ለከፈለው
ጌታን ልወድሰው፥
ጌታን ልወድሰው።
፭፡ እከተልሃለሁ ጌታ ሆይ
በምትመራኝ መንገድ ሁሉ፣
በሰላም የምሄድበት፥
ወደ አዘጋጀህልኝ ቤት።
ጌታ ሆይ ተመስገን፥
ጌታ ሆይ ተመስገን።