Tamil Evangelical Lutheran Church hymnal
பாடல் 245 பாடல் வரிகள்
இல்லத்தின் தலைவராய்
இயேசு -இருந்தால்
இல்லை என்பது இல்லையே
1. நிறைவான வாழ்வினைத் தருவார் – தந்து
குறையாவும் போக்கியே விடுவார்
மறைவான விருந்தினராவார் – இன்ப
மறை ஞான விருந்தினைத் தருவார்
2. வழியாக வருபவர் அவரே – வழியில்
ஒளியாக திகழ்பவர் அவரே
வழுவாமல் காப்பவர் அவரே நம்மைத்
தழுவியே அணைப்பர் அவரே
3. அவர் பாதம் தொடர்ந்திட வேண்டும் – நித்தம்
அவர் பாதை நடந்திட வேண்டும்
அவர்போல வாழ்ந்திட வேண்டும் – என்றும்
பிறர்க்காக உழைத்திட வேண்டும்