Tamil Evangelical Lutheran Church hymnal

பாடல் 14 பாடல் வரிகள்

பூமியின் குடிகளே நீர் தாமதமிலாதியேசு
சாமியினன்னாம மதிலே மகிழுவீர்

ஓமனாதி யந்தபரனே மனுடரான நம்மை
உருக்கமாய்த் – தங்கருணைப் பெருக்கமாய் – மீட்டரணாந்
துருக்கமாய் – இதுவரைக்கும் நெருக்கமாய் – ஊக்கமாய் நின்றார்

1. தந்தையார் தமதுநேச மைந்தனைப் பாதகர்க்காகத்
தந்துமா நிர்ப்பந்தமற விந்தையாகவே
இந்த நீசமான பூலோகந்தனை மீட்ட நேசத்தைச்
சிந்தையில் நினைந்து முழு நன்றியாகவே
சந்ததமுமே துதிப்ப தந்தமான வேலையல்லோ
தாசரே – யேசுநாதர்
நேசரே – எருசலேம்
வாசரே – கர்த்தருக்குள்ளாம்
ராசரே – ஆசாரிமாரே

2. கர்த்தனார் ஒருவரே நம் நித்திய பரமனென்ற
சத்தியத்தை எத்தினமும் உற்றுணருவீர்
அத்தனார் படைப்புகளைப் புத்தியற்றுத் தெய்மெனச்
சொற்றவரே விக்கரகப் பத்தியகல்வீர்
இத்தரையில் நாங்களல்ல உத்தபரன் எங்களைக் கண்
ணோக்கினார் – எங்கள் பாவம்
போக்கினார் – சகலதுன்பம்
நீக்கினார் – தமதுமந்தை
ஆக்கினார் – தூக்கினாரென்று

3.ஜீவபரன் வாசல்களில் மேவி எய்துவோம் துதியோ
டாவியுடனே நமது நாவுமிசைந்து
தேவ பிரகாரங்களிலே வருவோமே புகழ்ச்சி
மாவுரிமை யோடுரைத்துக் கூவி மகிழ்ந்து
பாவலர் மற்றோரே நல்ல நாவலரே கர்த்தர் வீட்டுக்
கோடுவோம் – அவர் நாமத்தில்
கூடுவோம் – அவர் பதத்தை
நாடுவோம் – அவர் மகிமை
தேடுவோம் – பாடுவோம் துதி

4. வல்ல பரனானவர் மா நல்லவர் அவர் கிருபை
உள்ள தூழிகாலம் தொல்லையுண்டுமோ
சொல்லரும் அவரதுண்மை யுள்ளதே தலைமுறைகள்
எல்லாவற்றிலு மெங்களுக்கல்லலண்டுமோ
புல்லனாம் பேயினரசே யில்லையெனுமட்டும் காளம்
பிடிக்கிறோம் – சத்தியத்தைப்
பிடிக்கிறோம் – பேயரங்கம்
இடிக்கிறோம் – அவனையெங்கும்
அடிக்கிறோம் – சீக்கிரம் ஜெயம்