Nziyo Dzekereke RCZ hymnal<\/p>\n
Hymn 305 Chirayiro Chashe Lyrics<\/p>\n
<\/p>\n
1
\nVadikanwa muna Jesu Kristu, inzwai mashoko okuvambwa kweChirayiro chaShe Jesu
\nKristu, sezvatinoudzwa nomupostori Pauro patsamba yake kuna vaKorinte panoti:
\n\u201cNokuti ini ndakagamuchira kuna Ishe chiya chandakakupaiwo imi, chokuti Ishe
\nJesu pausiku huya hwaakapandukirwa, wakatora chingwa, akavonga,
\nndokuchimedura, akati: Uyu ndiwo muviri wangu wamunomedurirwa imi; itai
\nizvozvo kuti mundirangarire nazvo. Saizvozvowo, vakazoti vapedza kurayira,
\nwakatora mukombe akati: Mukombe uyu ndicho chitenderano chitsva muropa rangu;
\nitai izvozvi chero nguva dzamunenge muchidya chingwa ichi, muchinwira
\nmumukombe uyu, munoparidza rufu rwaShe kudzamara achiuya. Saka munhu anenge
\nachidya chingwa ichi kana kunwira mumukombe waShe nenzira isina kufanira,
\nachava nemhosva yomuviri neropa raShe. Asi munhu ngaazvinzvere agozoti odya
\nchingwa nokunwira mumukombe nenzira iyi. Nokuti munhu, anodya asinganatsi
\nkuzivisisa muviri waShe, anozvidyira nokuzvinwira kutongwa.<\/p>\n
Zvino kana tichida kudya Chirayiro chaShe nomutoo kwawo tinofanira
\nkuzvigadzidzirira kwazvo, tigoziva kuzvininipisa pamberi paMwari. Pakutanga
\nmumwe nomumwe ngaarangarire mumwoyo make kuti, ndine zvivi, aone kuipa kwazvo,
\nagoziva kuzvininipisa pamberi paMwari. Uyezve, mumwe nomumwe ngaazvinzverewo
\nmumwoyo make, aone kuti, ndinotenda zvirokwazvo here kuti zvivi zvangu zvose
\nzvakakanganwirwa nokuda kwokutambura kwaJesu Kristu, uye nokufa kwake, ini
\nndichipiwa kururama kwose kwaKristu.Mumwe nomumwe ngaanzverewo hana yake, aone
\nkuti, ndinoda kuonga Mwari nomwoyo wangu wose here ndichifamba nomufambire
\nwakarurama pamberi pake, nokuda vokwangu norudo kwarwo, ndichirasha ruvengo
\nrwose negodo.<\/p>\n
Vose vane mirangariro yakadai zvirokwazvo Mwari anoda kuvagamuchira nenyasha
\ndzake, nokuvatendera kuti vadye patafura yoMwanakomana wake anodikanwa. Asi
\nvose vasina mirangariro yakadai vanozvidyira nokuzvinwira kurohwa. Ndivava
\nvorehwa zvino: vanopira zvifananidzo nemidzimu yavo, kana zvimwe zvinhu,
\nnavaroyi, navauki, navashoperi, navanotenda izvozvi; vose vanoninipisa Mwari
\nneShoko rake neSakramende dzake tsvene; vose vanomhura Mwari, navanoidza
\nkumukira kereke kana vabati venyika, vose vanopika nhema, vose vasingatereri
\nvakuru vavo kana madzishe, vaurayi vose, uye vose vanogara vachivengana
\nnokutukana navamwe; vose vanoita upombwe, navanokarira doro, navabi,
\nnamakororo, navanyengeri, navanoshumba zvavamwe, navanotamba mitambo yakaipa,
\nnavanonyangadza vachigumbusa vamwe, vanhu vose vakadai, kana vachirambira
\npanzira dzavo, tinovanyevera kuti varege kudya zvokudya izvi, kuti kurohwa
\nkwavo kurege kunyanyiswa.<\/p>\n
Asi izvi zvose, vadikanwa, ngazvirege kuodza mwoyo yavatendi vezvokwadi,
\nkubvira vaya vane mwoyo yakapwanyika nokuda kwokusakwana kwavo. Kuuya kwedu
\npano ndiko kupupura kwedu kuti anongosichema zvivi zvedu, tichirwa nazvo misi
\nyose. Asi tinotenda kuti anotigamuchira hake nenyasha dzake, kunyangwe tisina
\nkukwana chose. Zvino Ishe wedu Jesu Kristu wakatirayirawo kuti tidye Chirayiro
\nchake, kuti timurangarire nazvo.Pakurangarira Jesu Kristu ngatitende nomwoyo
\nwedu wose kuti wakatumwa panyika naMwari Baba nokuda kwedu, akauya ari munhu
\nzvirokwazvo; paupenyu hwake hwose hwapano pasi wakatitakurira kutsamwa
\nkwaMwari, akaterera murayiro wose pachinhambo chedu; nokuti paGetsemani
\nwakasungwa iye, kuti isu tisunungurwe; akanyadziswa iye, kuti isu tirege
\nkuzonyara pamberi paMwari, akatongerwa rufu iye, kuti isu tisapiwa mhaka
\npamberi pechigaro chokutonga chaMwari, akazoroverwa pamuchinjikwa iye kuti isu
\ntidzimirwe mhosva dzedu, ndokuzotivigira Chitenderano Chitsva chenyasha
\nnechokuyananiswa, zvichiitwa norufu rwake uye neropa rake.<\/p>\n
Zvino nguva imwe neimwe kana tichidya Chirayiro ngatirangarire kuti
\ntinongoponeswa koga nokubayirwa kwakaitwa Jesu Kristu pamuchinjikwa kamwe;
\nsaka nzara nenyota yemweya yedu zvingangopedzwa naiye oga. Wakabvisa zvivi
\nzvedu norufu rwake, akativigira Mweya wake Mutsvene anotiraramisa nanhasi.
\nNairwo rufu rwakezve takayananiswa naMwari, tikapiwa mikomborero yake yose,
\nnoupenyu husingaperi, nokururamiswa, uye isu vatendi tinosunganidzwa norudo
\nchairwo, zvatiri mitezo yomuviri mumwe, zvichionekwa pamashoko edu
\nnepamifambire yedu yose.
\nMwari Baba vaShe wedu Jesu Kristu ngavatibatsire noMweya Mutsvene.<\/p>\n
**Munyengetero**<\/p>\n
Baba vedu venyasha, tinokumbira kuti mubate basa renyu mumimwoyo yedu,
\nneChirayiro ichi choMwanakomana wenyu; kuti tizvipe kwaari nokutenda kwose;
\nmweya yedu isimbiswe nomuviri wake neropa rake. Mutibetsere kuti tirege
\nkurambira muzvivi zvedu, asi Jesu agare matiri, nesuwo tigare maari. Tipei
\nnyasha dzenyu, kuti titakure muchinjikwa wedu nomufaro; tizvirambe;
\ntichingotarira kudzoka kwaShe wedu Jesu Kristu kusvikira nguva yaachazotitora
\nkuti tigare naye nokusingaperi.<\/p>\n
_Mufundisi achimedura chingwa achati:_<\/p>\n
Jesu wakati: Chingwa ichi ndiwo muviri wangu, wamunomedurirwa imi, idyai mose,
\nmuchindirangarira.<\/p>\n
_Kana Mufundisi achivapa mukombe achati:_<\/p>\n
Jesu wakati: Mukombe uyu ndicho chitenderano chitsva muropa rangu; inwai mose
\nmuchindirangarira.<\/p>\n
_Kana Chirayiro chapera kudyiwa mufundisi achati:_<\/p>\n
Vadikanwa muna Ishe, Mwari zvaakasimbisa Mweya yedu patafura yake, ngatikudzei
\ntose zita rake, tichimuvonga; mumwe nomumwe abvumire mashoko aya mumwoyo make:
\nRumbidza Jehova, mweya wangu,
\nZvose zviri mukati mangu,
\nNgazvirumbidze zita rake dzvene.
\nRumbidza Jehova, mweya wangu,
\nUrege kukanganwa mikomborero yake;
\nIye anokanganwira zvakaipa zvako zvose;
\nAnoporesa kurwara kwako kwose;
\nAnodzikinura upenyu hwako pakuparadzwa;
\nAnokuisa korona younyoro nengoni;
\nJehova ane tsitsi nenyasha,
\nHaachimbidziki kutsamwa, ane ngoni zhinji.
\nHaana kutiitira sezvakafanira zvivi zvedu,
\nKana kutipa mubayiro sezvakafanira zvakaipa zvedu.
\nNokuti sokukwirira kwokudenga kumusoro,
\nNdizvo zvakaita kukura kwengoni dzake kuna vanomutya.
\nSokuva kure kwamabvazuva namavirira,
\nSaizvozvo wakabvisa kudarika kwedu kwose kure nesu.
\nSokunzwira tsitsi kwababa vana vavo,
\nNaizvozvo Jehova anonzwira tsitsi vanomutya. <\/p>\n
Nokuti haana kuramba kunyangwe noMwanakomana wake asi wakamupa chose nokuda
\nkwedu tose; angarega seiko kutipawo zvose pamwe chete naye? Saizvozvo Mwari
\nwakaratidza rudo rwake kwatiri pakuti Kristu wakatifira tichiri vatadzi.
\nZvatakayananiswa naMwari nokufa kwoMwnakomana wake, tichiri vavengi vake,
\ntichinyanya kuponeswa noupenyu hwake, zvino zvatakayananiswa. Saka muromo
\nwangu nomwoyo wangu zvicharumbidza Mwari, kubva zvino Hokusingaperi.<\/p>\n","protected":false},"excerpt":{"rendered":"
Nziyo Dzekereke RCZ hymnal Hymn 305 Chirayiro Chashe Lyrics 1 Vadikanwa muna Jesu Kristu, inzwai mashoko okuvambwa kweChirayiro chaShe Jesu Kristu, sezvatinoudzwa nomupostori Pauro patsamba yake kuna vaKorinte panoti: \u201cNokuti ini ndakagamuchira kuna Ishe chiya chandakakupaiwo imi, chokuti Ishe Jesu pausiku huya hwaakapandukirwa, wakatora chingwa, akavonga, ndokuchimedura, akati: Uyu ndiwo muviri wangu wamunomedurirwa imi; […]<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[119],"tags":[],"class_list":["post-2264","post","type-post","status-publish","format-standard","hentry","category-nziyo-dzekereke-rcz-hymnal"],"amp_enabled":true,"_links":{"self":[{"href":"https:\/\/treasurehymns.com\/shona\/wp-json\/wp\/v2\/posts\/2264","targetHints":{"allow":["GET"]}}],"collection":[{"href":"https:\/\/treasurehymns.com\/shona\/wp-json\/wp\/v2\/posts"}],"about":[{"href":"https:\/\/treasurehymns.com\/shona\/wp-json\/wp\/v2\/types\/post"}],"author":[{"embeddable":true,"href":"https:\/\/treasurehymns.com\/shona\/wp-json\/wp\/v2\/users\/1"}],"replies":[{"embeddable":true,"href":"https:\/\/treasurehymns.com\/shona\/wp-json\/wp\/v2\/comments?post=2264"}],"version-history":[{"count":0,"href":"https:\/\/treasurehymns.com\/shona\/wp-json\/wp\/v2\/posts\/2264\/revisions"}],"wp:attachment":[{"href":"https:\/\/treasurehymns.com\/shona\/wp-json\/wp\/v2\/media?parent=2264"}],"wp:term":[{"taxonomy":"category","embeddable":true,"href":"https:\/\/treasurehymns.com\/shona\/wp-json\/wp\/v2\/categories?post=2264"},{"taxonomy":"post_tag","embeddable":true,"href":"https:\/\/treasurehymns.com\/shona\/wp-json\/wp\/v2\/tags?post=2264"}],"curies":[{"name":"wp","href":"https:\/\/api.w.org\/{rel}","templated":true}]}}