Shona Methodist Hymns
Hymn 95 Farai nesu vanotenda Lyrics
Farai nesu, vanotenda,
Tapiwa rufadziso;
Tichifunga nazvo, tinoti,
Chokwadi chishamiso!
Jesu waburuka kudenga
Rwauya ruponiso;
Tinodaidzirwa upenyu
Inzwai zvoshamisa!
Wafira vakaipa vose
Wabvisa zvidariko,
Watakura zvitadza zvedu,
Kakare zvoshamisa!
Murima roupenyu hwedu
Watiisira mwenje,
Unopedza upofu hwose,
Honai zvoshamisa!
Anenge akarukutika
Nenzira yezvitadzo,
Angapiwe ruregerero,
Chokwadi chishamiso!
Hendei tose takatadza
Kuti tiregererwe;
Tigopiwa masimba matsva
Naye nyakushamisa!