Shona Methodist Hymns
Hymn 195 Kwasara makore Lyrics
Kwasara makore,
Nenguva shomana
Tinoenda kuva navo
Vari kuzorora.
**CHORUS**
Mweya wangu Ishe,
Ngaururamiswe;
Ndigoshambidzwa muropa,
Ndibviswe kuipa.
Kwasara mazuva
Atinawo isu;
Shure kwezvo tichaenda
Kuno Mutongisi.
Kwasara nenhamu,
Dzatinogoona;
Tin’enda pasina nhamu,
Nyika yakanaka.
Kwasara misodzi,
Nezvo zvinorema;
Tichaonana nababa,
Pasina kuchema.
Kwasara masvondo,
Mazuva matsvene;
Tichamunamata Mwari
Kune denga rake.
Kwasara chinguva,
Achauya Jesu,
Wakambotifira kuti
Tive noumambo.