Shona Methodist Hymns
Hymn 163 Kana tichifamba Lyrics
Kana tichifamba
Muizwi raMwari
Anotifadzisa munzira;
Anoropafadza
Vose vanomuda
Vanovimba nokuterera.
**CHORUS**
Kutererera,
Ndiyo bedzi nzira
Yorufaro naJesu,
Vimba uterere.
Hatizogumburwa
Hatizotsutsumwa
Tinofarira rudo rwake;
Kutya nemisodzi
Zvopera kunavo
Vanovimba nokuterera.
Kana taremerwa
Pano kunzwirana
Anotitusa basa redu,
Ivo vane nhamo
Vanokomborerwa
Nokuvimba nokuterera.
Hatingazoziva
Rufaro rwaIshe
Kudzamare tamupa zvose;
Zvino ticharunzwa
Rugare rwaivo
Vanovimba nokuterera.
Zvino ngatigare
Patsoka dzaJesu,
Kana pakufamba munzira
Tichiita zvake,
Tichitumwa naye
Tichivimba nokuterera.