Shona Methodist Hymns
Hymn 158 Mwari ndiye tsvingo yedu Lyrics
Mwari ndiye tsvingo yedu,
Ndiye simba redu iye;
Pakumanikidzwa kose,
Ruyamuro rwechokwadi,
Nyange nyika yosandurwa,
Nyange makomo okandwa
Mugungwa rakadzikisa,
Hatimbotya, tinovimba.
Nyangwe gungwa roriridza,
Richimedza namafuro;
Mweya unovimba naye,
Unogonzwa runyararo.
Pane rwizi rwakanaka
Rwofadza guta raMwari;
Upenyu, rudo, rufaro,
Zvinoyerera mariri.
Mwari agere mariri,
Haringambozunungutswa;
Rinozobatsirwa naye,
Rinunurwe pakarepo.
Ndiye Jehovha wesimba,
Ndiye Mwari ano rudo,
Ndi Mwari agere nesu;
Mwari ndiye tsvingo yedu.