Shona Baptist Hymns
Hymn 48 Ndaviga Shoko Mumwoyo
1
Mwenje wangu shoko raShe,
Rinondivenekera,
Ndifambe nenzira yake,
Ndisvike wo kudenga.
KORASI
Ndaviga shoko mumwoyo, (mumwoyo,)
Ndirege kukutadzirai, (tadzirai,)
Ndikudze Ishe mazuva ose,
Ndaviga shoko mumwoyo.
2
Shoko raShe rine simba,
Kucheka nokutonga
Kuvora kwomwoyo wangu,
Ndicheneswe naJesu.
3
Saka ngatiriverengei
Shoko raShe mis’ yose,
Tipe shoko kuna vose,
Vaponsewe wo naye.