Nziyo Dzekereke RCZ hymnal
Hymn 3 Wedenga ndiSHE oga Lyrics
1
Wedenga ndiSHE o…..ga
Mumukudzisei mose!
Hakuno womuku…..nda
Wakatiumba tose.
SHE wedu’yu mukuru sei!
Mibato yokurirwa nei?
Zvikuru zvose zvake.
2
Ha’chavi nokugu…..ma
Usakatanga ndiye;
Hakuna womuzi….va
Ha’ngaonekwi iye.
Tinovonga vadoko sei,
Ukuru hwaSHE tiimbei.
Wakatangira zvose.
3
Nesimba takamu….tswa
Upenyu takapiwa;
Mwari wakatisi…ka,
Naye tinochengetwa;
Ndiye wenjere huru sei,
Unyoro hwake tikudzei,
Nairo simba rake.