Nziyo Dzekereke RCZ hymnal
Hymn 183 Ndinoda kumuonga Bambo Lyrics
1
Ndinoda kumuonga, Bambo
Kumuimbira rwiyo, SHE;
Chiedza chotisiya nhambo,
Bva imi hamusiyi’ni;
Makandirinda zuva rino,
Mandichengeta nhasiwo;
Imi chitubu choupenyu,
Mandiitira zvose ’zvo!
2
Inyasha dzenyu dzandirisa,
Makandipavhurirawo!
Nanhasi makandifadzisa,
Mandipa pandasha’iwa ’po.
Madeko ano ndondovata,
SHE Bambo, chindizorodzai!
Ndanyara nezvandakabata,
Masimba matsva chindipai!
3
Ndinomuonga, Bambo vangu,
Handifanirwi nazvo, SHE!
De ndakarohwa zvivi zvangu,
Ndingade ndazovandepi?
Bva handichanyunyuti zvino,
Makatokanganwireni;
Nokuda kwaSHE Jesu Kristu
Ndakapembedzwawo nemi!
4
Ndoziva wandakambotenda,
Mis’ yose ndomufarirai,
Ndoziva bwe pandakavaka,
Ha’svodi wamutarirai.
Bva ndichisvika pakuguma,
Usiku uhwo hworufu,
Ndichandoonga SHE wefuma,
Zvandaipiwa kunowo!