Chichewa Christian Hymns
Hymn 8 MITAMBO inu yakumwambako
MITAMBO inu yakumwambako
Yogunda mvula m’mlengalengamo,
Mawu akulu muzinenadi:
“Aleluya!”
Paphiri paja papakulupo,
Pamwala ponse pakuŵala mbuu!
Mumvomereze mawu omwewo:
“Aleluya!”
Mphepo yaikulu yakuwombayo,
Chisanu chija chozizirachi,
Ndi kabvumbulu muzinenadi;
“Aleluya!”
Mitengo yaitalitali ’nu,
Yachiimire mumaimabe,
Muvomereze ndi kunenabe:
“Aleluya!”
Zam’madzi zonse zakuopsyazo,
Nyanja, mathithi ndi mitsinjeyo,
Chigumula chakulindimacho;
“Aleluya!”
Zamoyo zili m’thengo zonsezo,
Zodzuma, zina zobangulazo,
Zimene ndi kulira konseko:
“Aleluya!”
Inu mumvere anyamatawo,
Okondedwa kuseŵerako,
Mumtima mubvomere monsemo:
“Aleluya!”
Ndi anamwali obvekedwa mbuu!
Ndi ana osakula msinkhu ’nu
Ana a Mulungu muvomeretu:
“Aleluya!”
Akulu nonse ndi mafumu ’nu
Magulu nonse apadziko ‘pa,
Mum’lemekeze Mbuye yemweyo:
“Aleluya!”