Chichewa Christian Hymns
Hymn 439 MLUNGU wathu mwatifitsa
MLUNGU wathu mwatifitsa
Kufikira leroli;
Moyo wathu munasunga
M’njira yonse yathuyi;
Mtsogoleri wathu ndinu
Paulendo pomwepo
Tingakutameni bwanji
Kaamba zonse zanuzo?
E! Chisomo chosaleka
Tachiona kalelo;
Masungidwe ndi chikondi
Zikalimo momwemo;
Pausana, pausiku,
Muli nafe ponsepo;
Madalitso anu omwe
Tiri ndi ambiriwo.
Tinayenda muli mdima
Wotidetsa nkhaŵawo,
Pena tinangosauka
Ndi zobvuta zathuzo;
Koma Inu munalimo
Mumitambo yomweyo,
Nafe tinathandizana
Ndi mdalitso wanuwo.
Ena atsagana nafe
Natsiriza njirayo,
Nafikira kuli Inu,
Natilindirirako;
Tithadi ulendo wathu
Ndi kupita komweko,
Mutitsogolere ’Tate
Kukuŵala kosatha.