Chichewa Christian Hymns
Hymn 423 MUNENE Mbuye, ’nenetu,
MUNENE Mbuye, ’nenetu,
Nditsanze mawu anuwo;
Munandifuna Inetu,
Ine ndifune zanuzo.
Nditsogolere m’njirayi
Nkhosazo zisokerazo;
Ndidyetse Mbuye, zanuzi
Zimene zifa njalayo.
Ndilimbikitse, Mbuye, nji!
Pamwalapo ndiimebe;
Onse alibe mphamvu ’yi
Omwe ndithangate ’ne.
Ndiphunzitseni, Mbuyetu,
Ndidziŵitse nzeru zanuzo;
Munole mibvi yangayi,
Ipyole yonse m’mtimamo.
Ndipumulire panupo,
Ndinene motonthoza phe!
Ndi mawu opumitsawo
Olema ndikanenebe.
Ambuye, ndi chikondi tho!
Mudzaze mtima wangawu;
Ndinene zachikondicho,
Ndiyamikire monsemu.
Ndichitireni, Mbuye ’ne,
Monse mufuna mwanumo;
Kumwamba tionane mbee,
Maso ndi maso kwanuko.