Chichewa Christian Hymns
Hymn 330 N’LOKOMA Dziko langa!
N’LOKOMA Dziko langa!
Ndiyang’anirapo;
Ndilira ndi chikondi,
Poona dzinalo.
Pakumva mbiri yanu,
Mu mtima muti duu!
Ndi moyo ndi mtendere,
Imalowetsamo.
Mokhala mokhamokha,
Mokondwa momwemo;
Misozi yonse yatha,
Angosekeramo.
Panyezimira ponse,
Panyumba pali mbee!
Pam’yala pakongola,
Yoyala ponsepo.
Makomo afanana,
Ndi m’yala yoti mbuu!
Ndi Khrisitu wopambans
Awonekeramo.
Ndi mtanda woyeretsa.
Wopachikidwapo;
Amam’lambira Mfumu,
Nam’lemekezanso.
Kulibe gombe, nyanja,
Kulibe nthawi ‘yi;
Alendo alandira,
Zoziziritsazi.
Pa Mwala wamuyaya,
Amanga Nyumbayo;
Ndi omwe opambana,
Adzakondweramo.
N’lokoma Dziko langa!
Kopita onsewo;
Mulungu awasankha,
Tifuna kunkako.
Ambuye mutsogole,
Ku Dziko lomwelo;
Tidzakuyimbirani,
M’ulemereromo.